Sport

Tomori rrëfen jetën e tij kuqezi: “Sekreti ynë është uria, Leao më kujton Henrin”...

Mbrojtësi i Milanit tregon, se rruga drejt 'scudettos' në vitin e kaluar filloi pas fitores ndaj Lazios. Anglezi vlerëson edhe klimën në ekip, si dhe sulmuesin portugez..

3 Nëntor 2022, 14:23 Nga DOSJA

Tomori rrëfen jetën e tij kuqezi: “Sekreti ynë

ITALI - Fikayo Tomori ka pak më pak se dy vjet me Milanin, por në fakt është një nga liderët dhe pikat fikse të skuadrës së Stefano Piolit. Mbrojtësi anglez foli për ‘StarCasinò Sport’ për aventurën e tij te kuqezinjtë: "Sekreti i këtij Milani është uria, dëshira për të ndihmuar gjithmonë njëri-tjetrin dhe për të fituar të gjithë së bashku, - u shpreh ai në një intervistë me Carlo Pellegatti. - Ne marrim shumë mbështetje nga trajneri, nga stafi, nga Maldini, nga Massara dhe nga tifozët. Ka një ndjenjë të shkëlqyer: të ecim përpara të gjithë së bashku. Kjo është ideale për mua, si lojtar. Me cilin shok skuadre jam i lidhur më shumë? Ne jemi një familje!".

Tomori më pas u ndal në disa nga shokët e tij të skuadrës në veçanti: "Ibrahimovic është një makinë dhe një profesionist i shkëlqyer. Unë kam respekt të jashtëzakonshëm për të: ai është një pikë referimi e jashtëzakonshme për mua. Leao, nga ana tjetër, është lojtari që më ka befasuar më së shumti: ai është aq i fortë sa as ai nuk e ka kuptuar ende potencialin e tij të vërtetë. Idhulli im i fëmijërisë ishte Thierry Henry: ai ishte ndryshe, ai luante me doreza dhe çorape mbi gju. Unë shoh disa nga klasa e tij te Rafael".

Tomori rrëfen jetën e tij kuqezi: “Sekreti ynë

Është e pashmangshme të flasësh edhe për kundërshtarët e tij dhe në veçanti për ata që e kanë vënë në më shumë vështirësi që prej mbërritjes në Itali: “Tre janë them: Lautaro, sepse ai identifikon shumë lëvizje të ndryshme për të të vënë në vështirësi, Abraham, sepse ai më njeh shumë mirë dhe për një kohë të gjatë dhe Vllahovic, sepse me strukturën e tij fizike është e vështirë të përballesh”.

Vitin e kaluar, në sezonin e tij të parë të plotë me kuqezinjtë, mbërriti menjëherë goli i tiullit: "Scudetto? Pas ndeshjes kundër Lazios diçka na klikoi: aty kuptuam se po, mund ta fitonim!". Tani, megjithatë, ka synime të tjera në horizont: “Ëndrra ime është të fitoj ‘scudetton’ e yllit të dytë dhe Champions League me Milanin”.

B.T (Dosja.al)

Sondazh

Poll