Aktualitet

Inxhinieri shqiptar në Angli: Një elektricist paguhet 280 paund në ditë këtu

Ai tha se vendi ka nevojë për forcë punëtore e se këto vende do mbushen me emigrantë.

2 Nëntor 2022, 23:37 Nga F.M
Inxhinieri shqiptar në Angli: Një elektricist paguhet 280 paund
Blendi Fevziu dhe Ervin Gjonaj

TIRANË- Ervin Gjonaj, inxhinier elektrik në Britani të Madhe tha se atje një elektricist paguhet edhe me 280 paund në ditë. Në një lidhje me “Skype” në “Opinion”, Gjonaj tha se në Britaninë e Madhe, numri i vendeve të punës mund të kapë shifrën e 2 milionëve. Ai tha se vendi ka nevojë për forcë punëtore e se këto vende do mbushen me emigrantë.

Pjesë nga biseda:

Blendi Fevziu: Ju më thatë herën e kaluar që Britania ka rreth 1.5 milionë vende pune bosh apo jo?

Ervin Gjonaj: Patjetër. Madje mund të arrijë, nëse qeveria do të marrë përsëri ato vendime, pretendohet që në Prillin e ardhshëm, kur të mbyllet viti taksor, mund të arrijë numri 2 milionë vende pune bosh.

Blendi Fevziu: Kështu që është e interesuar dhe Britania të thithë emigrantë për të mbushur këto vende?

Ervin Gjonaj: Patjetër. Unë jam inxhinier në punën time të përditshme. Dhe në të tre projektet që unë punoj, jemi me 3 ose 4 muaj vonesë për arsye të forcës punëtore. Nuk kemi forcë punëtore për të realizuar projektet. S’ka krah pune. Unë jam inxhinier elektrik. Një elektricisti në Britani ka arritur t’i shkojë rroga në 280 Paund në ditë. 

ervin gjonaj

Sondazh

Poll

MË SHUMË