Politike

Rama nxjerr dokumentin: Shantazh mediatik, Top Channel kërkoi 120 mln lekë nga AZHBR

Kryeministri Edi Rama pretendon se është kërkuar mbështetje financiare nga Agjencia për Zhvillim Bujqësor dhe Rural një fond prej 120 milionë lekësh të vjetra për të bërë një emision me 50 episode, në vëmendje të të cilit do të jenë zonat rurale dhe fermat.

2 Nëntor 2022, 09:12 Nga k.m.
Rama nxjerr dokumentin: Shantazh mediatik, Top Channel kërkoi 120 mln
Edi Rama dhe dokumenti

TIRANË- Kryeministri Edi Rama ka postuar dokumentat që sipas tij, janë shkaku i sulmit nga media "Top Channel" ndaj qeverisë. Duke nxjerrë një dokument që nuk dihet se nga e ka origjinën, kryeministri Edi Rama pretendon se është kërkuar mbështetje financiare nga Agjencia për Zhvillim Bujqësor dhe Rural një fond prej 120 milionë lekësh të vjetra për të bërë një emision me 50 episode, në vëmendje të të cilit do të jenë zonat rurale dhe fermat.

DETAJE NGA KONTRATA E DËRGUAR NË AZHBR:

Rama nxjerr dokumentin: Shantazh mediatik, Top Channel kërkoi 120 mln
Kontrata e AZHBR

Shtrirja gjeografike e realizimit: Në të gjithë Shqipërinë, zonat rurale dhe fermat bio.
Partneriteti mediatik: Top Media Group
Periudha e realizimit: Mars 2022-Dhjetor 2022
Episode televizive: 50
Kohëzgjatja televizive: Minutazhi 35 minuta
Çfarë i kërkohet AZHBR: Kërkojmë mbështetje financiare për realizimin e projektit në Vlorë 12.000.000 lekë

Krahas dokumentit të nxjerrë në postimin e tij, kryeministri nuk e ka lënë pa një koment, duke u shprehur se ky është vetëm një shembull sesi, sipas tij po i bëhet shantazh qeverisë nga media. Qëllimi, sipas tij, ka qenë promovimi i AZHBR-së, por kur ky insitutcion nuk ka pranuar, ka filluar sulmi duke nxjerrë edhe shembullin e një kronikë të transmetuar në edicionin e lajmeve. 

Edi Rama: Ja për shembull se si funksionon shantazhi mediatik.Kërkohen 120mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj! Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane…

Por nuk u ndal me kaq dhe postoi sërish pjesë nga dokumenti

Rama nxjerr dokumentin: Shantazh mediatik, Top Channel kërkoi 120 mln

Edi Rama: Ja opinioni i pamaskuar i medias në fjalë për zhvillimin e fermave me mbështetje nga AZHBR, në letër kërkesën për 120 milion lekë që ta ndajë këtë të vërtetë me publikun… Ja edhe maska e medias në fjalë pasi nuk merr lekët e kërkuara me hir, në përpjekjen për t’i marrë me pahir duke helmuar opinionin publik me kronika të mbushura me gjysëm të vërteta (të cilat janë edhe rrenat më të mëdha), e të ambalazhuara me tituj bombastikë të gënjeshtërt…

Prej ditësh, por duke kulmuar dje, Rama është kthyer në një ‘redaktor’ të kronikave të TopChannel dhe të News24. Vetë është marrë për të analizuar kronikat që kritikonin punët e kreut të qeverisë. Të gjitha kronikat, kryeministri Rama i ka 'skanuar' dhe i konsideron ‘gjoba’.

edi rama azhbr perplasja rama-mediat

Sondazh

Poll

MË SHUMË