Bota

Mediat serbe: Kosova nis procesin e anëtarësimit në KiE më 3 nëntor, Beogradi gati kundërpërgjigjen

Serbia nuk do të rrijë duarkryq para përpjekjeve të Kosovës, me ndihmën e aleatëve perëndimorë, për tu anëtarvsuar në organizatat ndërkombëtare, përkundrazi ajo është e përgatitur për të marrë masa 

1 Nëntor 2022, 12:56 Nga d.a.
Mediat serbe: Kosova nis procesin e anëtarësimit në KiE më 3
KiE

SERBI- Mediat serbe ditën e sotme kanë publikuar një lajm në të cilin thuhet se Kosova mund të nisë procesin e anëtarësimit në Këshillin e Europës më datë 3 nëntor.

Sipas Alo.rs, Serbia nuk do të rrijë duarkryq para përpjekjeve të Kosovës, me ndihmën e aleatëve perëndimorë, për tu anëtarvsuar në organizatat ndërkombëtare, përkundrazi ajo është e përgatitur për të marrë masa 

Një nga përgjigjet e para mund të jetë aktivizimi i tërheqjeve të reja të njohjes së Kosovës, tashmë nga e enjtja e 3 nëntorit, nëse në Këshillin e Evropës do të inicohet procedura për marrjen e një kuazi produkti.

Pala serbe ka në sirtar shënimet e nëntë vendeve që ndryshuan vendimin për njohjen e Kosovës, të cilat mund t'i zbulojnë në çdo kohë, dhe "në pritje" është gjithashtu një fushatë e gjerë diplomatike lobimi për tërheqje të reja të njohjeve, e cila ishte ngrirë pas angazhimit për një moratorium në Marrëveshjen e Uashingtonit.

Presionet e reja ndaj Serbisë nuk do të vijnë vetëm nga Strasburgu dhe Këshilli i Evropës, por është e sigurt që dhe në kryeqytetin gjerman, në samitin në kuadër të procesit të Berlinit, që është planifikuar për më 3 nëntor, të përballen me kërkesat e hapura për zgjidhje të përshpejtuar të çështjes së Kosovës dhe Metohisë dhe vendosjen urgjente të sanksioneve kundër Rusisë.

Anëtarësimi i Kosovës në Këshillin e Evropës ka qenë një çështje e hapur që kur Kosova paraqiti kërkesën për anëtarësim në atë institucion në maj, por ajo përpjekje e parë për ta "shtyrë" këtë temë në agjendë dështoi. Tani po përgatitet i dyti, pra në seancën e kësaj jave të Komitetit të Ministrave të Këshillit të Evropës do të nisë zyrtarisht procesi që duhet të kulmojë me pranimin e Kosovës.

Nga 46 anëtarë të Këshillit të Evropës, 34 prej tyre e njohin pavarësinë e Kosovës. Anëtarësimi në KiE është vetëm një pjesë e pakos së planeve të Kosovës kur bëhet fjalë për institucionet dhe organizatat ndërkombëtare. Ditët e kaluara nga Prishtina shpallën kandidaturën për anëtarësim në BE, ndërsa një karrige në Kombet e Bashkuara ka qenë prej kohësh ëndrra e tyre e parealizuar.

anetaresimi i kosoves ne ke dialogu kosove-serbi

Sondazh

Poll

MË SHUMË