Politike

Balla: Uroj që koshat e plehrave në Lushnje mos t'i ketë djegur 'Foltorja', siç bëri kur donte të merrte godinën

Ai tha se uron që edhe në Lushnje të mos ua ketë vënë flakën i njëjti grup.

31 Tetor 2022, 18:46 Nga F.M
Balla: Uroj që koshat e plehrave në Lushnje mos t'i ketë
Taulant Balla

TIRANË- Kreu i grupit parlamentar të Partisë Socislite Taulant Balla u shpreh se Lushnja do të pastrohet nga mbetjet dhe se në vendin ku hidhen mbeturinat, do të ngrihet një kompleks sportiv. Referuar ankesave të deputetit të Partisë Demokratike, Saimir Korreshi për djegien e koshave me mbeturina, Balla tha se kazanët e plehrave janë djegur nga 'Foltorja' gjatë përplasjes së brendshme në Partinë Demokratike. Ai tha se uron që edhe në Lushnje të mos ua ketë vënë flakën i njëjti grup.

"Ajo aty do pastrohet e gjitha dhe do ngrihet një kompleks. Shqipëria deri para pak vitesh nuk e kishte në listë ne vet trajtimin e mbetjeve. Bashkia e Lushnjes është përfituese sepse impiantin e mbetjeve e ka jo më larg se 20 kilometra. Ti e ke mbaruar shkollën në Itali dhe e di shumë mirë që disa bashki bëhen bashkë për të pasur një impiant. E mbani mend që dikur Foltorja digjte kazanët e plehrave për të marrë godinën e 'shqupit', uroj që edhe atje në Lushnje të mos kenë qenë anëtarët e Foltores,"- tha Balla ndër të tjera. 

taulant balla seance plenare 31 tetor 2022

Sondazh

Poll

MË SHUMË