Bota

Skenari i frikshëm i një sulmi në Krime, eksperti: Rusia është gati të përdorë armë bërthamore për të mbrojtur gadishullin

Sipas ekspertit, Presidenti i Shteteve të Bashkuara, Joe Biden, duhet të arsyetojë me homologun e tij ukrainas, Volodymyr Zelenskyy, dhe ta largojë atë nga veprimet e pamatura në lidhje me gadishullin.

29 Tetor 2022, 12:00 Nga d.a.
Skenari i frikshëm i një sulmi në Krime, eksperti: Rusia
Putin

RUSI- Politologu Anatol Lieven ka paralajmëruar se përpjekjet e Kievit për të rimarrë kontrollin mbi Krimenë do të rezultojnë në një përshkallëzim të paparashikueshëm të konfliktit. 

Sipas ekspertit, Presidenti i Shteteve të Bashkuara, Joe Biden, duhet të arsyetojë me homologun e tij ukrainas, Volodymyr Zelenskyy, dhe ta largojë atë nga veprimet e pamatura në lidhje me gadishullin.

"Të gjithë bashkëbiseduesit nga Rusia, në shumicën e rasteve njerëzit e zakonshëm, më thanë se për të mbrojtur Krimenë është e nevojshme të përdoren armët bërthamore si mjeti i fundit, siç do të bënin Shtetet e Bashkuara për të mbrojtur Hawaiin dhe Pearl Harbor"- pretendon Lieven.

Kolumnisti shtoi se planet agresive të Kievit për Krimenë nuk do të përfitojnë askënd. Një skenar i tillë është veçanërisht i padëshirueshëm për Uashingtonin, vuri në dukje politologu.

Lidhur me krimet e luftës, ai tha se pushtimi rus i Ukrainës dhe aneksimi i detyruar i territorit ukrainas, janë të dyja krime të qarta shumë serioze sipas ligjit ndërkombëtar, për të cilat shpresoj që presidenti Vladimir Putin një ditë do të përgjigjet. Sipas tij ushtarët rusë kanë kryer krime të shumta kundër civilëve ukrainas, për të cilat autoritetet ukrainase kanë të drejtë t'i vënë ata në gjyq. 

vladimir putin lufta ukraine-rusi anatol lieven

Sondazh

Poll

MË SHUMË