Bota

"Çfarë do të më bësh mua?", telefonata e fshehtë ndaj policisë që i shpëtoi jetën Paul Pelosit

Sulmuesi i dyshuar, David dePape, nuk e kuptoi që Pelosi kishte thirrur policinë dhe po fliste me kod në mënyrë që ata të kuptonin se kishte diçka që nuk shkonte.

29 Tetor 2022, 10:28 Nga d.a.
"Çfarë do të më bësh mua?", telefonata e
Pelosi

SHBA- Paul Pelosi arriti të telefonojë 911 dhe të raportojë situatën e tij pa e kuptuar autori që e sulmoi në shtëpinë e tij në San Francisko. Bashkëshorti i kryetares së Dhomës së Përfaqësuesve Nancy Pelosi thirri në mënyrë diskrete 911 kur një maniak me çekiç hyri në shtëpinë e tij në San Francisko në orën 2 të mëngjesit të së premtes. 

Sipas Protothemës, sulmuesi i dyshuar, David dePape, nuk e kuptoi që Pelosi kishte thirrur policinë dhe po fliste me kod në mënyrë që ata të kuptonin se kishte diçka që nuk shkonte.

"Cfare po ndodh, Pse je këtu? Çfarë do të më bësh mua?' - është dëgjuar Pelosi ti thotë autorit në mënyrë që oficeri i policisë që ishte në telefonatë ta dëgjonte.

Oficeri, Heather Grimes, ndjeu se diçka nuk shkonte me telefonatën e Pelosit dhe urdhëroi oficerët të kryenin një kontroll të shpejtë në shtëpinë e tij.

“Është me të vërtetë një meritë për zotin Pelosi që ai ishte në gjendje ta bënte atë telefonatë dhe të jepte sinjal oficerit të policisë se diçka nuk ishte në rregull, në mënyrë që autoritetet të mund të ishin aty brenda dy minutash për t'iu përgjigjur asaj situate,” tha Prokurorja e Qarkut në San Francisko, Brooke Jenkins.

Shefi i policisë së San Franciskos, William Scott, i bëri jehonë "instinkteve të mira" të oficeres gjatë një konference shtypi të premten, duke e lavdëruar atë për leximin e mesazhit të kodifikuar të Pelosit.

Ndërsa oficerët mbërritën në vendin e krimit, Pelosi, 82 vjeç, u përpoq të rrëmbejë çekiçin nga duart e DePape, i cili dyshohet se e goditi atë në kokë në sherrin e kapur nga kamerat e policisë. 82-vjeçari u dërgua me urgjencë në operacion për të riparuar një frakturë të kafkës dhe lëndime të rënda në krahun e djathtë dhe duart. Mjekët presin që ai të shërohet plotësisht.

Policia tha se sulmuesi do të akuzohej për tentativë vrasjeje, sulm me armë vdekjeprurëse, abuzim me të moshuarit, vjedhje dhe vepra të ndryshme të tjera penale.

paul pelosi nancy pelosi david depape  brooke jenkins william scott

Sondazh

Poll

MË SHUMË