Aktualitet

Mbyllet protesta e pedagogëve? Kovaçi: MAS plotësoi disa nga kërkesat tona, bojkot i pjesshëm këtë javë

Kovaçi ka përsëritur edhe njëherë thirrjen për qeverinë që të marrë parasysh kërkesën e tuyre për rritjen me 30% të pagës këtë vit dhe 20% në vitin që vjen. Ndërkohë pedagogu Ardian Isufi u shpreh se paratë nuk mungojnë por qeveria duhet vetëm që ta marrë seriozisht çështjen e arsimit dhe rinisë.

27 Tetor 2022, 10:30 Nga e.k;f.g

Mbyllet protesta e pedagogëve? Kovaçi: MAS plotësoi disa nga

TIRANË- Kryetari i Sindikatës së Pedagogogëve, Sandër Kovaçi njoftoi sot se është arritur gjuha e dialogut me Ministrinë e Arsimit dhe Sportit në lidhje me kërkesat e pedagogëve për pagat dhe kushtet në Universitete. Kovaçi tha se po diskutohet ende rritja e pagës 30% dhe financimi i kërkimeve shkencore. Kovaçi ka përsëritur edhe njëherë thirrjen për qeverinë që të marrë parasysh kërkesën e tuyre për rritjen me 30% të pagës këtë vit dhe 20% në vitin që vjen. Ndërkohë pedagogu Ardian Isufi u shpreh se paratë nuk mungojnë por qeveria duhet vetëm që ta marrë seriozisht çështjen e arsimit dhe rinisë.

"Ministria ka sjellë përgjigje për disa kërkesa të profesoratit. Ndërsa problemi kryesor që ka të bëjë me rritjen e financimit për arsimin e lartë, lidhur me pagesat e profesoratit dhe financimin e kërkimit shkencor këto dy elemente nuk janë zgjidhur. Ne i konsiderojmë si dy arsye kryesore për mbarëvatjen e punën në universitete. Ne vijojmë me kërkesën që të këtë vit të ketë një rritje me 30% dhe vitin tjetër 20%. Ne mendojmë që këto janë kërkkesa të drejta. Meqë parlamenti është në fazë të diskutimit të buxhetit shpresojmë të bindim që të bëjë ndryshime. U bëj thirrje dhe asambleve të tjera universitare që të bëjmë me dije se si do të vuijojë procesi. Në këtë kontekst deri të premten vijon procesi i bojkotit. Ditën e premte do ju bëjmë me dije sesi do të vijojmë. Përgjegjegjëse kryesore e bojkotit është qeveria. Zgjidhja e kërkesave të profesoratit, është mënyra më e mirë për të ju kthyer mësimit", tha Kovaçi

"Gjithë kohës ka indimidime. Mbi 70% e profesorëve të Univeristetit të Arteve presin një vendim. Paratë janë aty duhet vetëm që qeveria ta shohë si çështje madhore, çështjen e arsimit dhe rinisë", tha Isufi

Interesit të gazetarëve nëse Sindikata e Pedagogëve do të marrë pjesë në protestën e thirrur nga opozita më datë 12 nëntor, Kovaçi u përgjigj se ata kanë axhendën e tyre dhe sindikata të veten por shtoi se çdo pedagog ashtu si çdo qytetar i lirë ka të drejtë të marrë pjesë në çdo protestë.

"Kjo është një lëvizje universitare lëvizjet e opozitës janë lëvizje të opozitës, ata kanë agjendën e tyre ne kemi agjendën tonë jashtë tyre. Çdo anëtar i joni ka të drejtë të shkojë nëse do të jetë i përfshirë, ka të drejtë të rrijë. Këtu, një pjesë prej nesh nuk janë as në pozitë as në opozitë. Kjo është një lëvizje universitare që nuk ka të bëjë me partitë. Çdo njëri prej nesh si qytetar ka të drejtë të marrë në cdo protestë pjesë, sikurse po të mos dëshirojnë nuk marrin pjesë, tha Kovaçi.

Sindikata e Pedagogëve dhe Sindikata e Punonjësve të Universiteteve prej dy javësh kanë bojkotuar mësimin në shenjë proteste për moszgjidhjen e kërkesave të tyre drejtuar ministrisë së Arsimit dhe qeverisë. 16 tetori do të niste me bojkot, i cili do të vijojë të paktën deri të premten. Ata kërkojnë nga ministria e Arsimit dhe qeveria rritjen me 30% të pagave këtë vit dhe 20% vitin që vjen ndërkohë që kërkojnë më shumë financime sa i përket kërkimeve shkencore. Kryeministri i është përgjigjur protestës së tyre dhe ka ofruar zgjidhjen e tij duke ofruar rritjen me 15% të pagave ku 8 % do mbulohej nga shteti dhe 7% nga universitetet. Kjo u refuzua nga ata. Ndërkohë ditën e sotme u bë e ditur se është arritur një marrëveshje me ministrinë në lidhje me disa nga kërkesat e tyre por që mbetet ende e hapur dera e dialogut për rritjen e pagave që është dhe një kush nga i cili pedogogët nuk heqin dorë,

protesta e pedagogeve sandër kovaçi

Sondazh

Poll

MË SHUMË