Aktualitet

Zëvendëskryeministri i Kosovës viziton Beogradin, e shoqëron këshilltari me pasaportë shqiptare

Sipas njoftimit, Bislimi nesër merr pjesë në një konferencë në Beograd, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”.

27 Tetor 2022, 10:03 Nga F.M
Zëvendëskryeministri i Kosovës viziton Beogradin, e shoqëron
Zëvendëskryeministri i Kosovës, Besnik Bislimi

KOSOVË- Zëvendëskryeministri i Kosovës, Besnik Bislimi do të udhëtojë nesër drejt Beogradit duke u bërë kështu një prej zyrtarëve më të lartë të shtetit të Kosovës, që viziton Serbinë, që nga fundi i luftës. Lajmi është bërë me dije nga mediat e Kosovës që citojnë zyrën e Kryeministrisë.

Sipas njoftimit, Bislimi nesër merr pjesë në një konferencë në Beograd, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”.

“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, merr pjesë në Beograd, ditën e enjte në konferencën e Forumit për Marrëdhënie Etnike, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”, me fillim nga ora 17:00,”- thuhet në njoftim.

Zëvendëskryeministri Bislimi do të hyjë në Serbi përmes pikës kufitare të Merdarës, ndërsa do të jetë i shoqëruar nga dy këshilltarët e tij, Sebastien Gricourt dhe Klisman Kadiu. Sebastien Gricourt është këshilltar i jashtëm i Bislimit, kurse Kadiu ka pasaportë shqiptare.

Bislimi do të qëndrojë në Beograd edhe ditën e premte për të diskutuar në lidhje me raportet mes Kosovës e Serbisë, por nuk dihet se me cilët zyrtarë do të ketë bisedime.

besnik bislimi sébastien gricourt klisman kadiu

Sondazh

Poll