Politike

Negociatat mes Bardhit dhe Palokës e protestat/ Tabaku: Pyet nogociatorët! Ka forma të ndryshme të të bërit opozitë

Sa i përket protestave të premtuara në shtator por që jemi në fund të tetorit dhe opozita nuk ka zbritur ende në sheshe Tabaku u përgjigj se është koha të flasim për të rinjtë dhe se opozita ka mënyra të ndryshme të të bërit opozitë. Sipas saj mund të bëhet opozitë me argumente, kuvend apo dhe në rrugë.

25 Tetor 2022, 11:27 Nga e.k
Negociatat mes Bardhit dhe Palokës e protestat/ Tabaku: Pyet
Jorida Tabaku

KORÇË- Deputetja e Partisë Demokratike, Jorida Tabaku nuk dha detaje në lidhje me takimet që po zhvillohen mes Edi Palokës dhe Gazment Bardhit në lidhje me një bashkim të mundshëm të Partisë Demokratike në zgjedhjet vendore. Duke folur nga Korça ku po zhvillon një takim me pedagogë e studentë në kuadër të procesit të Integrimit Europian ku po zhvillon takime, Tabaku interesit të gazetarëve iu përgjigj duke iu thënë se më mirë le të pyesin dy negociatorët. 

"Pyet negociatorët", tha Tabaku.

Sa i përket protestave të premtuara në shtator por që jemi në fund të tetorit dhe opozita nuk ka zbritur ende në sheshe Tabaku u përgjigj se është koha të flasim për të rinjtë dhe se opozita ka mënyra të ndryshme të të bërit opozitë. Sipas saj mund të bëhet opozitë me argumente, kuvend apo dhe në rrugë.

"Unë besoj që ka ardhur dita të flasim me të rinj, t’ua lemë fjalën të rinjve, ka mënyra të ndryshme si bëhet opozita me fjalë, argumente, protestë. Unë besoj se e kam treguar që di ta bëj, s’ka rëndësi ku e bëj në sallë apo në rrugë", tha Tabaku.

Duke folur për paketën fiskale të propozuar nga qeveria dhe amnistia janë të pakuptimta pasi Shqipëria sipas saj ka nevoja të tjera. 

"As unë nuk e kuptoj, sot Shqipëria ka nevoja të tjera, ka nevojë për një vizion ekonomik që të dalë nga kriza, që qeveria Shqiptare te ofrojë atë që nuk e ofroj gjatë pandemisë. Është e vërtetë që kemi një prekje të ekonomisë nga kriza botërore por pjesa më e madhe e prekjes është nga kriza shqiptare", tha deputetja.

Grupi Parlamentar i Partisë Demokratike doli me një deklaratë ku shtrinte dorën e bashkëpunimit me grupin e kryedemokratik Sali Berisha sa i përket zgjedhjeve vendore që do të mbahen vitin që vjen. Deputetët demokratë dolën me një vendim të unifikuar ndërkohë që shumë prej tyre prej javësh deklararonin se vetëm bashkimi mund ta bëj Partinë Demokratike fituese. Deklarata e tyre u mirëprit nga PD zyrtare dhe Sali Berisha i cili menjëherë komandoi kryetarin e Këshillit Kombëtar, Edi Paloka që të negociojë me grupin e Alibeajt i cili do të përfaqësohet nga ish-numri dy i PD-së Gazment Bardhi. Të dy palët kanë rënë dakort se kjo nuk është negociatë por një konsultim.

jorida tabaku

Sondazh

Poll

MË SHUMË