Sport

Refuzoi 9 milionë euro. Matthaus bën gjestin fisnik, i dhuron Argjentinës fanellën historike të Maradonës

Pak muaj më parë fanella e veshur nga Diego Armando Maradona në ndeshjen historike kundër Anglisë në Meksikë '86, për të qenë e qartë ajo e "Dorës së Zotit" dhe golit të shekullit, doli në ankand për një shifër rekord prej gati 9 milionë euro.

21 Tetor 2022, 14:28 Nga DOSJA

Refuzoi 9 milionë euro. Matthaus bën gjestin fisnik, i dhuron

GJERMANI- Pak muaj më parë fanella e veshur nga Diego Armando Maradona në ndeshjen historike kundër Anglisë në Meksikë '86, për të qenë e qartë ajo e "Dorës së Zotit" dhe golit të shekullit, doli në ankand për një shifër rekord prej gati 9 milionë euro. Kjo e bën të qartë se sa mund të vlejnë reliket që i përkisnin argjentinasit. Shifra që e bëjnë akoma më fisnik gjestin e Lothar Matthaus, i cili në atë kohë ishte kapiten i Gjermanisë, i cili vendosi t'i jepte Argjentinës fanellën me numrin 10 të veshur nga Pibe de Oro në finalen e Mexico City.

Ish-kapiteni i Gjermanisë, si dhe lojtari i Interit në fillim të viteve '90, Lothar Matthaus, ka vendosur t'i "rikthejë" Argjentinës fanellën e veshur nga Diego Armando Maradona në finalen e Botërorit të Meksikës '86. Një gjest që ka gëzuar Federatën e Amerikës së Jugut, e cila në rrjetet e saj sociale ka falënderuar përzemërsisht ish-futbollistin gjerman: “Faleminderit në emër të gjithë popullit argjentinas”, shkruhet në mbishkrimin e një videoje të postuar nga AFA në Tëitter.

Matthaus, gushtin e kaluar ia dha fanellën ambasadorit argjentinas në Madrid Ricardo Alfonsin, nga duart e të cilit më pas kaloi në ato të Ernesto Tapia, president i federatës. Ish-kapiteni i Gjermanisë me siguri duhet të ketë hequr dorë nga ofertat milionere, duke pasur parasysh vlerën që i atribuohet fanellës së Maradonës. Për të nuk ishte asnjëherë çështje parash: “Kurrë nuk kam dashur ta shes atë fanellë historike”, tha ai për Daily Mail. “Kishte një super ofertë prej gati tetë milionë eurosh, por në fund e refuzova. Gjithçka mund të blihet me para, por disa gjëra janë të paçmueshme dhe të papaguara.”

E.Ç (Dosja.al)

argjentina maradona lothar matthaus

Sondazh

Poll

MË SHUMË