Bota

Ngatërruan flamurin slloven me atë sllovak, MPJ e Maqedonisë së Veriut kërkon ndjesë

Në një deklaratë të lëshuar për shtyp u shpreh se gabimi nuk ka qenë i qëllimshëm por një gabim teknik nga ana proceduariale në vizitën e Fajon në RMV. 

19 Tetor 2022, 15:41 Nga d.a.
Ngatërruan flamurin slloven me atë sllovak, MPJ e Maqedonisë
MPJ

MAQEDONIA E VERIUT- Ministria e Punëve të Jashtme (MPJ) e Republikës së Maqedonisë së Veriut ka kërkuar ndjesë për ngatërrimin e flamujve.

Në një deklaratë të lëshuar për shtyp u shpreh se gabimi nuk ka qenë i qëllimshëm por një gabim teknik nga ana proceduariale në vizitën e Fajon në RMV. 

“Njëherazi na lejoni të ju informojmë se takimi dhe e gjithë vizita e Ministres, Fajon u zhvillua në një atmosferë jashtëzakonisht pozitive dhe miqësore, me porosi të rëndësishme që u shkëmbyen në takime, ashtu siç dhe u ndanë me opinionin. Ndonëse nuk mund të ketë arsyetim për lëshimin e bërë, Ministrja me mirëkuptim të plotë e pranoi gabimin si të paqëllimshëm, pa asnjë ndikim në suksesin e takimeve dhe vizitës. Informojmë se Ministria e Punëve të Jashtme do t’i shtojë më tej kontrollet protokollare, me qëllim që në të ardhmen të mos të përsëritet lëshim i këtillë”, thuhet në njoftimin e MPJ-së. 

Ajo që ka rënë në sy nga takimi i zhvilluar në Shkup është një gafë e pafalshme diplomatike pasi Tanja Fajon është pritur me flamurin e Republikës së Sllovakisë në vend të asaj të Sllovenisë.

maqedonia ngaterron flamujt bujar osmani

Sondazh

Poll

MË SHUMË