Aktualitet

"Skuth"/ Kovaçi i përgjigjet kryeministrit: Kam punuar në SHISH, Rama po më intimidon

Kreu i sindikatës së pedagogëve tregoi arsyen përse u largua nga SHIK, duke i quajtur deklaratat e Ramës tentativë për intimidim për të ndalur protestën që kanë nisur pedagogët që kërkojnë rritjen e pagave me 50%.

19 Tetor 2022, 15:32 Nga k.m.

"Skuth"/ Kovaçi i përgjigjet kryeministrit: Kam punuar

TIRANË- Kreu i sindikatës së pedagogëve, Aleksandër Kovaçi iu është përgjigjur kryeministrit, Edi Rama i cili deklaroi sot se në qendër të protestës qëndron një “figurë e SHIK-ut famëkeq”. Kovaçi në një intervistë për Neës24 u shpreh se deklarata e Ramës janë të papërgjegjshme dhe se e ka për nder që ka punuar në atë institucion, duke theksuar se ka kontribuuar për atë institucion për një periudhë më shumë se 2-vjeçare dhe se madje ka marrë shpërblim për punën e bërë nga vetë kryeministri Edi Rama.

"Kryeministri të përqendrohet në kthimin e përgjigjes për peticionin. Gjithë të tjerat janë retorikë. Unë kam qenë profesor, kam qenë ambasador 5 vjet ku kam bërë një punë të shkëlqyer duke sjellë këtu kryeministrin e Sllovenisë. Kam bërë 2 vizita presidentësh, 4 forume mes Shqipërisë dhe Sllovenisë. Pas kësaj pune të shkëlqyer m’u kërkua të punoj si drejtor i analizës në Shërbimin Informativ dhe kam dhënë kontribut deri në vitin 2015 dhe unë e quaj intimidim ndaj atij institucioni.

Deklarata të papërgjegjshme. E kam për nder që kam kontribuuar për atë institucion për një periudhë më shumë se 2-vjeçare dhe kam punuar për atë kryeministër dhe ka marrë shpërblim ai departament për punën e shkëlqyer nga Rama. E quaj për nder që kam punuar në një institucion serioz dhe shpresoj që të jetë dhe sot një institucion serioz,”-tha Kovaçi.

Kreu i sindikatës së pedagogëve tregoi arsyen përse u largua nga SHIK, duke i quajtur deklaratat e Ramës tentativë për intimidim për të ndalur protestën që kanë nisur pedagogët që kërkojnë rritjen e pagave me 50%.

“Unë vendosa të ndjek rrugën e karrierës akademike për ndjekjen e titujve të mi akademikë. Nuk ke si të punosh sepse ai është institucion ligjor që duhet të punosh brenda dhe ishte një punë juridike. Ndoshta në nervozizëm e sipër, ai ka porositur dhe disa gazeta. Në këtë vijë me sa duket kryeministri vazhdon të ketë lidhje me këta persona. E konsideroj një tentativë për intimidim. E ka filluar që nga deklaratat për t’i bërë vetting, presion profesoratit, ndodhin vetëm në vendet diktatoriale. Në Tatime e kam automatikisht deklarimin e pasurisë dhe gjithçka. Këto intimidime i quaj një gjendje të mjerë të kryeministrit.”

Sa i përket protestave, Kovaçi deklaroi se do të vazhdojnë derisa kryeministri të zbatojë kërkesat e tyre: Ne do vazhdojmë protestat sepse kemi drejtësinë me vete, pastërtinë. Kryeministri nëse do ta mbyllë këtë protestë të ngrejë pagat. Ne kemi trajtuar problemin si një problem kombëtar. Autonomia është përgjegjësi, do të thotë ti si qeveri paguaj atë që të takon dhe autonomia në menaxhimin e fondeve. Por nëse ti vendos paga qesharake, është faji i kryeministrit. Ne do vazhdojmë sepse jemi në të drejtën tonë dhe e drejta jonë do triumfojë dhe kryeministri do i thërrasë mendjes se këto janë vetëm shashka.
Ne kërkojmë që pedagogët të trajtohen në mënyrë dinjitozë. Kemi disa vite që protestojnë. Mësuesve iu është rritur sepse janë 60 mijë dhe ka nevojë për vota. Unë me këtë rast i them kryeministrit të vijë me këmbë në tokë, të rimendohet dhe të mos hedhë shashka të tilla për të intimiduar profesoratin sepse janë dhe të paligjshme.

aleksandër kovaçi edi rama

Sondazh

Poll

MË SHUMË