Bota

"Ata vazhdojnë të qëllojnë dhe vrasin", studentët në Iran brohorasin kundër regjimit në Teheran

Të hënën u raportua për protesta studentore në disa qytete. Në Shahrekord, studentët e Universitetit Islamik Azad shprehën vullnetin e tyre për të vazhduar protestat dhe rrugën e të gjithë protestuesve që janë vrarë nga forcat e sigurisë së regjimit. "

18 Tetor 2022, 17:04 Nga d.a.
"Ata vazhdojnë të qëllojnë dhe vrasin",
Protesta ne Iran

IRAN- Kryengritja mbarëkombëtare në Iran po hyn në muajin e dytë të hënën, duke shënuar ditën e 32-të të këtyre protestave të vazhdueshme kundër regjimit.

Të hënën u raportua për protesta studentore në disa qytete. Në Shahrekord, studentët e Universitetit Islamik Azad shprehën vullnetin e tyre për të vazhduar protestat dhe rrugën e të gjithë protestuesve që janë vrarë nga forcat e sigurisë së regjimit. 

Studentët e Universitetit Khajeh Nasir Toosi gjatë protestave kanë brohoritur njëzëi kundër regjimit dhe sistemit në vend pas ngjarjeve të fundit.

"Ata vazhdojnë të qëllojnë dhe vrasin! Ata dogjën Burgun #Evin!"- dëgjohet të thërrasin studentët.

Në Ardabil, forcat e sigurisë sulmuan demonstratën e studentëve të Universitetit të Teknologjisë Mjekësore dhe në Teheran, studentët e Universitetit të Shkencave Mjekësore zhvilluan një tubim proteste kundër regjimit dhe shtypjes së tij ndaj protestuesve.

Në Bushehr, studentët e Universitetit Khalij-e Fars mbajtën një tubim proteste dhe brohoritën “Vdekje shtypësit! Qoftë Shahu apo [Khamenei]!” duke reflektuar refuzimin e popullit iranian të diktaturës së mullahëve dhe të Shahut. Në Shahrekord, studentët në Universitetin Islamik Azad brohoritën, “Liri! Liri! Liri!” një slogan që po bëhet gjithnjë e më popullor në të gjithë Iranin. Në Najafabad të Isfahanit, studentët e Universitetit Islamik Azad brohoritën "Mullahët duhet të humbasin!" Dhe Teherani, studentët e Universitetit të Teheranit dhe Universitetit Islamik Azad mbajtën mitingje proteste dhe bënë thirrje për unitet dhe grevë.

Protestat në Iran deri më sot janë zgjeruar në 193 qytete. Mbi 400 njerëz janë vrarë dhe më shumë se 20,000 janë arrestuar nga forcat e regjimit, sipas burimeve të Organizatës së Muxhahedinëve Popullor të Iranit ( PMOI/MEK ) opozitare iraniane. Emrat e 224 protestuesve të vrarë janë publikuar nga PMOI/MEK.

protesta ne iran mahsa amini

Sondazh

Poll

MË SHUMË