Aktualitet

ME VIDEO/ Artan Hoxha nxjerr PAMJET: Si u ekzekutua brenda hotelit miku më i ngushtë i Ervis Martinajt

Dy biznesmenët, një prej tyre mik i ngushtë me Ervis Martinajn, ku mbetën viktima të një atentati të ndodhur në maj të vitit 2020 brenda një lokali në autostradën Milot-Mamurras pranë fshatit Gjormë të Kurbinit.

18 Tetor 2022, 13:40 Nga DOSJA
ME VIDEO/ Artan Hoxha nxjerr PAMJET: Si u ekzekutua brenda hotelit miku më
Foto ilustruese

TIRANË- Pamje të reja të atentatit të Paulin Gjergjit dhe Bujar Likës kanë dalë, kur kanë kaluar më shumë se 2 vite nga ekzekutimi i tyre. Dy biznesmenët, një prej tyre mik i ngushtë me Ervis Martinajn, ku mbetën viktima të një atentati të ndodhur në maj të vitit 2020 brenda një lokali në autostradën Milot-Mamurras pranë fshatit Gjormë të Kurbinit. Siç duket edhe nga pamjet e mëposhtme të nxjerra edhe nga Artan Hoxha, duken fillimisht dy djemtë e Paulin Gjergjit ndodhen në makinën e parkuar në hotel. Më pas, tre atentatorët vijnë me makinë në oborrin e lokalit, kërcënojnë me armë djemtë e Paulin Gjergjit. Këto pamje i ka publikuar më parë edhe Dosja.al.

Ndërkohë që më pas, i pari në hotel hyn atentatori Eduart Lamaj. Pasi ka shkëmbim zjarresh me një nga të ndjerët, Lamaj plagoset në këmbë. Pasi futen edhe të tjerët brenda në hotel, "mbarojnë punën" dhe më pas tërheqin drejt makinës Eduart Lamajn dhe largohen me shpejtësi nga vendngjarja.

Në lidhje me këtë krim të dyfishtë janë dërguar për gjykim katër të pandehur për akuzat e vrasjes në rrethana të tjera cilësuese e kryer në bashkëpunim dhe armëmbajtje pa leje. Eduart Lamaj akuzohet se ka pasur rolin e ekzekutorit, ndërsa miqtë e tij Ilir Lika (Xhepaj), Klaudio Përkola dhe Oltion Vlashi në rolin e ndihmësit. 

Kush janë viktimat?

Bujar Lika, personazh i njohur në Laç, ishte një mik i ngushtë i Ervis Martinit dhe Ylli Brahimit. Brahimi gjatë gjithë ditës së ngjarjes, ka qënë nën shoqërinë e Bujar Likës, dhe në gjyqin kundër Lamaj dhe Ilir Likës, Brahimi rezulton të jetë thirur si dëshmitar. Ndërsa në kërkim për këtë ngjarje të rëndë janë shpallur Klaudio Përkola dhe Oltion Vlashi, të cilët prej dy vite ende nuk janë arrestuar nga policia e Shtetit. Sipas Prokurorisë, motivet e ngjarjes mbeten të paqarta, por ka dyshime të forta se 4 autorët kanë patur si qëllim grabitjen e biznesmenit Paulin Gjergji, ngjarje që përfundoi më pas në përdorimin e armës, duke qenë se edhe Bujar Lika ka qenë i armatosur. Në dëshminë tij, Eduart Lamaj është shprehur se u ka kërkuar ndihmë tre shokëve të tij për realizimin e planit, por objektiv sipas tij ishte Ilirjan Allamani, i cili në ato momente nuk ka qenë në ambjentet e lokalit, por me të kishte konflikte të hershme që në Itali për drogë, ky ku i fundit nuk i jepte borxhin.

paulin gjergji ekzekutohet bujar lika

Sondazh

Poll

MË SHUMË