Politike

Në “strofullën” e Talo Çelës në Belsh u hoqën 100 mijë paund, AMP nis hetimet për një polic

Në banesën që kontrolluan gjetën depon e armëve me shumë gjasa të Talo Çelës por edhe para. Por rapotohet se kishte dhe mungesa.

17 Tetor 2022, 13:31 Nga k.m.
Në “strofullën” e Talo Çelës në Belsh u
Talo Çela

ELBASAN– Policia e Shtetit shkoi në një banesë në fshatin Dëshiran të Belshit për të arrestuar të shumëkërkuarin Talo Çela, por sërish nuk e kapi dot. Megjithatë duket se nuk kanë dalë duarbosh. Në banesën që kontrolluan gjetën depon e armëve me shumë gjasa të Talo Çelës por edhe para. Por raportohet se kishte dhe mungesa. Bëhet fjalë për jo pak por për një shumë prej 100 mijë paundësh. Paratë u larguan nga banesa para se të kontrolloheshin nga Policia, e dyshohet se lëvizja është bërë nga një tjetër efektiv i Policisë së Shtetit, i cili nuk është identifikuar deri më tani. Megjithatë për të, Agjensia e Mbikëqyrjes Policore ka nisur procedim penal. 

Edhe kësaj here, operacioni jo vetëm që u dekonspirua dhe nuk u gjetën as gjurmë të Talo Çelës, që mesa duket ka ikur nga banesa shumë para se të shkonte Policia. Madje dhe paratë që la pas iu zhvendosën nga unifromat blu. Sot, Prokuroria e Elbasanit ka shpjeguar detaje të tjera në lidhje me operacionin e dy ditëve më parë në fshatin Dëshiran të Belshit, detaj që u zbulua nga përgjimi i mikut të të shumëkërkuarit, Aqif Bezatit. Më herët, Policia kishte vënë nën përgjim edhe Veli Deliun nga i njëjti fshat me qëllim kapjen e bisedave të tij me Bezatin dhe Talo Çelën, por sërish nuk u zbulua gjë.

Krahas armëve, municioneve dhe shumave të konsiderueshme të parave, gjatë kontrollit të banesës së Aqif Bezatit, Policia gjeti dhe 75 bimë të thata opiumi që shihni në këto pamje. Kjo bimë është tejet e veçantë pasi nga përpunimi i saj prodhohet heroina. Hetimet vazhdojnë për të zbuluar më shumë lidhur me aktivitetin e tij. Ndërkohë që duket se nuk ka më shumë detale lidhur me të shumëkërkuarin Talo Çela. Ky i fundit ende kërkohet kudo nga Policia e Shtetit.

Talo Çela akuzohet për një mori vrasjesh në Shqipëri, ndërsa prishja e pazareve me Nuredin Dumanin i ktheu aleatët e djeshëm në armiq të betuar. Policia dyshon se Dumani erdhi pikërisht për të ekzekutuar Talo Çelën në maj të vitit 2022, por u tradhtua dhe Talo Çela shkoi t’i bënte atentat duke e plagosur.

policia e shtetit talo cela aqif bezati

Sondazh

Poll

Politike 17 Tetor 2022, 13:14 k.m.

Opozita largohet nga Komisioni i Ligjeve 

Pamje nga komisioni TIRANË- Opozita largohet nga Komisioni i Ligjeve. Pas debateve me Klotilda Bushkën dhe me Ermonela Felaj lidhur me vlefshm&eu...

MË SHUMË