Aktualitet

Si ndodhi plagosja në Elbasan? Endacaku u bë ‘tapë’ në lokalin e 21-vjeçarit dhe nisi t’i shante familjen

Ai ka konsumuar alkool dhe më pas ka nisur të ofendojë familjarët e Shybehjas që ndodheshin gjithashtu në bar.

9 Tetor 2022, 19:57 Nga F.M
Si ndodhi plagosja në Elbasan? Endacaku u bë ‘tapë’
Foto Ilustruese

ELBASAN- Një debat e ofendimet e 54-vjeçarit kundrejt familjes së të riut, Fabio Shybehja, kanë sjellë plagosjen e këtij të fundit me thikë. Mësohet se 21-vjeçari që mbeti i plagosuri ka një lokal në zonën e lagjes “28 Nëntori” ku ndodhi ngjarja.

Këtë pasdite, autori Petrit R. 54 vjeç, i cili është endacak që mbledh kanoçe nëpër qytet ka shkuar në lokalin e 21-vjeçarit. Ai ka konsumuar alkool dhe më pas ka nisur të ofendojë familjarët e Shybehjas që ndodheshin gjithashtu në bar.

21-vjeçari e ka nxjerrë jashtë ambienteve të lokalit, por 54-vjeçari nuk e la më aq. Ai shkoi tek karroca ku kishte kanoçet, mori një thikë dhe e goditi në fyt Fabio Shybehjan. I plagosuri ndodhet në spital në gjendje të rëndë për jetën, kurse 54-vjeçari është në komisariat. Ai është arrestuar dhe po merret në pyetje në lidhje me ngjarjen.

 

fabio shybehja plagosje ne elbasan

Sondazh

Poll

MË SHUMË