Sport

Xavi, pas humbjes ndaj Interit, akuzon gjyqtarin: “Ishte një padrejtësi”…

Trajneri i Barcelonës, i mundur këtë të martë, është i indinjuar nga disa vendime të gjyqtarit Slavko Vincic, përfshirë një gol të mohuar të Pedri (67’) dhe një penallti e pa fishkëlluar për një dorë të mundshme (90’).

5 Tetor 2022, 07:04 Nga DOSJA

Xavi, pas humbjes ndaj Interit, akuzon gjyqtarin: “Ishte një

SPANJE - Indinjata e Xavit, trajnerit të Barcelonës, i mundur 1-0 nga Interi, ka vazhduar edhe pas përfundimit të ndeshjes: “Jam i indinjuar... Do të kisha dashur të flisja me gjyqtarin për të kuptuar vendimet e tij. Nuk ka kuptim, ishte një padrejtësi. Ndjej indinjatë, nuk e fsheh dot, mendoj se duhet që gjyqtari të na shpjegojë vendimet e tij. 

Në pjesën e parë na mungonte ritmi në qarkullimin e topit. Nuk patëm një periudhë të parë në nivelin e kërkuar nga Champions League. Në pjesën e dytë luajtëm më mirë, gjithsesi u përpoqëm të shënonim deri në fund. Përtej vendimeve të gjyqtarit, ne duhet të bëjmë autokritikën tonë. Kemi humbur dy ndeshje (në grup), na takon ne të rikuperojmë gjithçka në dy ndeshjet e kthimit në shtëpi,”- është shprehur tekniku Xavi.

B.T (Dosja.al)

Sondazh

Poll

MË SHUMË