Aktualitet

Grabitja me armë në Klos/ 5 persona të maskuar grabisin 8 mijë euro dhe dhunojnë e torturojnë nënë e bir

Duke folur për mediat një i afërm i familjes tha se e gjithë fshati është i tronditur duke qenë se në atë zonë nuk ndodhin ngjarje të tilla. Ai rrëfeu dhe detaje nga grabitja e dhunshme me armë ku tregoi dhe se nënë e bir janë torturuar dhe më pasi lidhur me litar.

2 Tetor 2022, 07:52 Nga e.k
Grabitja me armë në Klos/ 5 persona të maskuar grabisin 8
Shtëpia ku ndodhi grabitja

KLOS- Një grabitje me maska ka ndodhur pak pas mesnatës në Klos. Reth orës 2 të mëngjesit 5 persona të armatosur dhe me maska kanë grabitur banesën e Përparim Lleshit në fshatin Dom.

Pasi janë futur në banesë 5 grabitësit t kanë lidhur si fillim djalin e vogël të shtëpisë, që në ato momente ishte vetëm me nënën e moshuar, rreth 80 vjeçe. Të dy nënë e bir janë dhunuar me qytën e automatikut në kokë, ku për pasojë u janë shkaktuar fraktura të shumta. Pasi kanë kontrolluar nëpër dhoma, autorët kanë gjetur 8 mijë euro, 1 milion lekë shqiptare dhe sende me vlerë. Ndërkohë Policia dyshon se jashtë banese ndodheshin dhe persona të tjerë të cilët kanë bërë roje. Më pas ata janë larguar drejt rrugës që të çon në Klos.

Duke folur për mediat një i afërm i familjes tha se e gjithë fshati është i tronditur duke qenë se në atë zonë nuk ndodhin ngjarje të tilla. Ai rrëfeu dhe detaje nga grabitja e dhunshme me armë ku tregoi dhe se nënë e bir janë torturuar dhe më pasi lidhur me litar.

“Çunin e familjes e kanë rrahur tmerrësisht, e kanë lidhur dhe më pas i kanë vjedhur. Si lagje nuk na ka ndodhur ndonjëherë kjo gjë. Se dimë se ça po hyn e ça po del. Kush bën kështu veprimesh, duhet pushkatuar. Po është hequr pushkatimi. Ishte nëna me fëmijën vetëm në shtëpi”, tha i afërmi, që është dhe banor i zonës për mediat.

Aktualisht policia po vijon zbardhjen e ngjarjes dhe identifikimin e autorëve të grabitjes.

Ngjarja e rëndë ka ndodhur rreth orës 2 të mëngjesit ku 5 persona të armatosur kanë hyrë me dhunë në banesën e Përparim Lleshit në fshatin Dom të Klosit ku pasi kanë dhunuar, torturuar e më pas lidhur familjarët kanë grabitur dhe 8 mijë euro, 1 milion lekë shqiptare dhe sende me vlerë. Sipas dëshmive nënë e bir janë goditur disa herë me qyten e kallashnikovit ku për pasojë u janë shkaktuar dhe fraktura të rënda. Sipas informacione dyshohet se në këtë mgjarje të ketë dhe persona të tjerë të përfshirë të cilët mund të kenë qëndruar jashtë për të bërë roje. Deri më tani Policia ka bërë shoqërimin e 6 personave si të dyshuar apo që mund të kenë dijeni për ngjarjen.

grabitje me arme ne klos klos

Sondazh

Poll

MË SHUMË