Aktualitet

Tetori rozë, muaji i luftës kundër kancerit të gjirit

Gjithçka nis me një gjëndërr që të bezdis, një gungë që ndihet ndryshe nga pjesa tjetër e gjirit e që nuk është normale. Një mamografi e thjeshtë do të zbulonte nëse kjo gungë përbën apo jo problem për shëndetin e një gruaje. Shfaqja e çdo simptome duhet marrë seriozisht. 

1 Tetor 2022, 20:56 Nga F.M
Tetori rozë, muaji i luftës kundër kancerit të gjirit
Tetori rozë

TIRANË- Tetori rozë nisi sot, muaji i luftës kundër kancerit të gjirit dhe muaji i ndërgjegjësimit për këtë sëmundje të rëndë që po u merr jetën miliona grave në botë.

Gjithçka ka të bëjë fillimisht me vetëdijen, çdo vajzë duhet të dijë se mbi moshën 30 vjeç është më e rrezikuar nga kanceri i gjirit, por nuk bëjnë përjashtim rastet kur vajzat e moshës 20-29 vjeçe janë prekur nga kjo sëmundje. Prekshmëria rritet edhe në pesë herë më shumë ndër gratë që janë pranë menopauzës.

Studimet tregojnë se të pasurit një person në familje me këtë sëmundje e rrit rrezikun e prekjes prej tij, pork jo nuk do të thotë se sëmundja është gjenetikisht e trashëgueshme në të gjitha rastet.   Në Shqipëri regjistrohen rreth 650 raste të reja me kancerin e gjirit çdo vit, një shifër mjaft e lartë kjo duke pasur parasysh numrin e vajzave e grave mbi moshën 30 vjeç.

Problem themelor në Shqipëri mbeten studimet e mirëfillta mbi shkaqet lokale të përhapjes së kësaj sëmundjeje, si dhe ngritja dhe funksionimi i sistemit parandalues. Diagnostikimi i kësaj sëmundjeje në Shqipëri bëhet ende në fazë të avancuar dhe mundësia për tu shpëtuar jetën grave është shumë e vogël.

Kjo ndodh për shkak të praktikës që përdorin mjekët dhe për shkak të mos ndërgjegjshëimit nga ana e vetë vajzave për vetëkontroll dhe kontroll periodik të vazhdueshëm pranë bluzave të bardha.

Gjithçka nis me një gjëndërr që të bezdis, një gungë që ndihet ndryshe nga pjesa tjetër e gjirit e që nuk është normale. Një mamografi e thjeshtë do të zbulonte nëse kjo gungë përbën apo jo problem për shëndetin e një gruaje. Shfaqja e çdo simptome duhet marrë seriozisht. 

Kontinenti amerikanoverior (SHBA dhe Kanadaja) rezulton të ketë prekshmërinë më të lartë, zbulohen çdo vit 90 raste në 100.000 gra. Në Europë dhe në Australi të dhënat tregojnë për një përhapje paksa më të ulët. Në vendet e BE, çdo vit preken 300.000 gra nga kjo sëmundje. Afrika Qendrore, Amerika Latine dhe Europa Lindore kanë parametra shumë më të ulët, pothuajse të përgjysmuar në krahasim me Perëndimin.

 Sipas studimeve, gjithçka ka të bëjë me stilin e të jetuarit, mjedisin dhe ushqimin.

tetori roze

Sondazh

Poll

MË SHUMË