Politike

Abuzimi me fondet në jetimore, Zhupa: Të krijohet një komision hetimor për të shqyrtuar punën e institucioneve

Me anë të një postimi në Facebook, Zhupa tha se Parlamenti duhet ti japi përgjigje për gjithë qytetarët duke i hetuar në thellësi dhe me seriozitet çështje të tilla.

30 Shtator 2022, 21:12 Nga e.k

Abuzimi me fondet në jetimore, Zhupa: Të krijohet një komision

Shtëpia e Fëmijës, "Zyber Hallulli"

TIRANË- Deputetja e Partisë Demokratike Ina Zhupa ka reaguar në lidhje me raportin e KLSH për shtëpinë e fëmijës “Zyber Hallulli”.

Me anë të një postimi në Facebook, Zhupa tha se Parlamenti duhet ti japi përgjigje për gjithë qytetarët duke i hetuar në thellësi dhe me seriozitet çështje të tilla.

Ajo shtoi se duhet krijimi i një komisioni hetimor për të marr në shqyrtim punën e institucioneve rezidenciale publike që merren me rritjen e fëmijëve

POSTIMI I INA ZHUPËS:

Nevoja e menjëhershme për një komision hetimor për të marr në shqyrtim punën e institucioneve rezidenciale publike që merren me rritjen e fëmijëve.
Në cilësinë e nënkryetares së grupit të deputetëve “Miqtë e Fëmijëve” jam në mbështetje të propozimit të ardhur nga organizata në mbrojtje të fëmijëve si CRCA për ngritjen e një komisioni hetimor.
Gjykoj që cështja kapërcen çdo ndarje politike dhe vullneti duhet jetë i gjithë deputetëve anëtar i këtij grupimi.
Dy raste tronditëse janë bërë publike si:
1-Rasti i datës 28 Shtator 2022 në shtëpinë e fëmijëve “Vangjel Pulla” në Sarandë, ku edukatorja ka dhunuar fizikisht tre femijë.
2- Raporti i Kontrolli i Lartë i Shtetit, pas auditimit të kryer në Shtëpinë e Fëmijës “Zyber Hallulli”, nxjerr në pah se prej të paktën 4 vitesh, jetimët në këtë qendër konsumojnë më pak ushqim se sa është përcaktuar në ligj. Sipas KLSH-së , vlera në lekë e përcaktuar për kuotën ditore për fëmijët jetimë. nuk i përgjigjet të njëjtës sasi ushqimore që duhet të konsumojnë fëmijët.
Sa raste të tjera janë larg syrit tonë?! Si po i menaxhojnë kompetencat që kanë? Si trajtohen fëmijët? Cilat janë kushtet? Dhe shumë pikëpyetje të tjera që parlamenti duhet ti japi përgjigje për gjithë qytetarët duke i hetuar në thellësi dhe me seriozitet.

shtepia e femijes zyber hallulli partia demokratike ina zhupa

Sondazh

Poll

MË SHUMË