Sport

Tani nuk është më risi, Ronaldo mund të mungojë në Botëror, nisin kritikat: "Është bërë më pak i rëndësishëm"

Pas një vere të komplikuar, vjeshta nuk është më pak për CR7. Fillimisht lamtumira në Champions League, më pas dëshira për t'u 'arratisur' nga Old Trafford dhe në fund marrëdhëniet e tensionuara me trajnerin ten Hag.

28 Shtator 2022, 21:38 Nga DOSJA

Tani nuk është më risi, Ronaldo mund të mungojë në

PORTUGALI- Pas një vere të komplikuar, vjeshta nuk është më pak për CR7. Fillimisht lamtumira në Champions League, më pas dëshira për t'u 'arratisur' nga Old Trafford dhe në fund marrëdhëniet e tensionuara me trajnerin ten Hag.

Disa javë para startit të Kupës së Botës, ish-sulmuesi i Juventusit merr gjithnjë e më shumë kritika për paraqitjet e tij me Portugalinë dhe kanë filluar të mendojnë për përjashtimin e tij.
Në Portugali nuk është më një tabu. Tifozët dhe mediat sugjerojnë që ylli portugez duhet të largohet dhe t'i lërë lojtarët e tjerë të kenë momentin e tyre. Këshilla, të cilat u shumëfishuan pas paraqitjes zhgënjyese të Ronaldos ndaj Spanjës. CR7 tani ka pak hapësirë ​​te Manchester United dhe për shumë duhet të ketë edhe më pak me Kombëtaren. Por 37-vjeçari, i cili humbi disa raste të mira në ndeshjen ndaj skuadrës së Luis Enriques, dëshiron të vazhdojë të paktën deri në Euro 2024.

E përditshmja kryesore sportive portugeze A Bola botoi një faqe të parë ku shkruhej "Më pak Ronaldo, më shumë Portugali", duke pretenduar se disa minuta lojë te Manchester United këtë sezon në mënyrë efektive e zhvlerësojnë të drejtën e tij për një vend në ekipin kombëtar. Gazeta theksoi gjithashtu se CR7 po bllokon përmirësimin e ekipit.

Në shënjestër të kritikave është edhe trajneri Fernando Santos, i akuzuar se po favorizon lojtarin. Eksperti i TV RTP3, Tiago Fernandes argumenton se Ronaldo vendos sa minuta do të luajë dhe jo trajneri: "Çdokush mund të shohë se Ronaldo vendos sa minuta do të luajë."

E.Ç (Dosja.al)

ronaldo manchester united portugalia

Sondazh

Poll

MË SHUMË