Aktualitet

Dhunuan një person dhe penguan zbardhjen e ngjarjes, arrestohen 3 autorët në Sarandë (EMRAT)

 Në pranga ka përfunduar Sinan Proda, i dënuar më parë për vrasje, Enrik Proda dhe Armando Hako.

18 Shtator 2022, 09:44 Nga A.B
Dhunuan një person dhe penguan zbardhjen e ngjarjes, arrestohen 3
Policia

SARANDË- Tre persona janë arrestuar në Sarandë pasi kanë dhunuar me sende të forta një 42-vjeçar. Në pranga ka përfunduar Sinan Proda, i dënuar më parë për vrasje, Enrik Proda dhe Armando Hako. 

Ngjarja ndodhi më 12 shtator. Tre personat, kanë shkuar rreth orës 22:30 të maskuar dhe me armë te bar restorant “Sunset” në lagjen nr.4 dhe kanë qëlluar me sende të forta 42-vjeçarin E.Kushova, teksa në lokal ka pasur dhe klientë të tjerë. Kushova ka qenë duke darkuar me familjen kur e qëlluan. Pas ngjarjes autorët janë larguar me shpejtësi me një mjet tip “Ford” me targa italiane. Ditën e djeshme policia ka mundur t’u vërë prangat tre autorëve të dyshuar, të cilët dyshohen dhe për vepra të tjera penale.

Armando Hako rezulton i dënuar më parë për vjedhje me armë të një automjeti, ngjarje e ndodhur në 5 gusht 2013 në fshatin Nivicë të Sarandës, ku në bashkëpunim me Lulëzim Tabakun i vodhën me kallashnikov makinën Thanas Mungulit për larje hesapesh.

Sinan Proda, babai i Enrikut akuzohet se ka ndërruar targën e mjetit dhe e ka fshehur. Sinan Proda akuzohet se në vitin 2010 në Tiranë ka vrarë me thikë fqinjin e tij te “Komuna e Parisit” të quajtur Dritan Selimi.

Dhunimi i 42-vjeçarit, dyshohet të jetë kryer për prishje pazaresh.

NJOFTIMI I POLICISË

Goditën me sende të forta një shtetas dhe kryen veprime për të penguar zbardhjen e ngjarjes, vihen në pranga 3 autorët e dyshuar, 2 prej tyre me precedentë të mëparshëm penal. Sekuestrohen sende të jashtëligjshme që posedonin autorët. Shërbimet e Komisariatit të Policisë Sarandë, nën drejtimin e Prokurorisë pranë Gjykatës së Shkallës së Parë Sarandë, pas ngjarjes së ndodhur në lagjen nr.4, Sarandë, ku disa shtetas të maskuar goditën me sende të forta, shtetasin E. K., 42 vjeç, banues në Sarandë, kanë vijuar punën hetimore, me qëllim kapjen dhe vënien para përgjegjësisë ligjore të autorëve të dyshuar.Bazuar dhe në informacionet e marra në rrugë policore, u bë kapja dhe ndalimi i shtetasve:

-S. P., 57 vjeç, banues në Sarandë, i dënuar më parë për vrasje;
-A. H., 40 vjeç, banues në Sarandë, i dënuar më parë për vjedhje me armë;
-E. P., 29 vjeç, banues në Sarandë.

Këta shtetas dyshohet se për motive të dobëta, në lagjen nr.4, Sarandë, kanë goditur me sende të forta shtetasin E. K., i cili pas marrjes së ndihmës mjekësore, është larguar në banesë. Këta shtetas gjithashtu kanë kryer veprime për të penguar zbardhjen e ngjarjes, duke fshehur automjetin e përdorur në këtë ngjarje, i cili është gjetur dhe sekuestruar nga Policia, së bashku me 1 automjet tjetër.

arrestim ne sarande sarande sinan proda enrik proda armando hako

Sondazh

Poll

MË SHUMË