Bota

Joe Biden mbërrin në Londër për funeralin e Mbretëreshës

Biden është në mesin e rreth 500 krerëve të shteteve dhe personaliteteve të huaja që vijnë në Londër për një mbledhje të liderëve botërorë.

18 Shtator 2022, 07:21 Nga A.B
Joe Biden mbërrin në Londër për funeralin e
Joe Biden

MBRETËRI E BASHKUAR- Presidenti amerikan Joe Biden ka mbërritur në Londër përpara funeralit të Mbretëreshës Elizabeth II. Biden është në mesin e rreth 500 krerëve të shteteve dhe personaliteteve të huaja që vijnë në Londër për një mbledhje të liderëve botërorë, raporton BBC.

Kryeministrat e Kanadasë, Australisë dhe Zelandës së Re janë tashmë në Mbretërinë e Bashkuar. Kryeministri i Kanadasë Justin Trudeau, kryeministri i Australisë Anthony Albanese dhe kryeministrja e Zelandës së Re Jacinda Ardern, liderë të tjerë të Commonwealth që pritet të marrin pjesë përfshijnë kryeministrin e Bangladeshit Sheikh Hasina dhe presidentin e Sri Lankës Ranil Wickremesinghe. India do të përfaqësohet nga Presidenti Droupadi Murmu.

Presidenti francez Emmanuel Macron, Taoiseach irlandez Micheal Martin, presidenti gjerman Frank-Walter Steinmeier dhe presidenti italian Sergio Mattarella janë ndër liderët e tjerë botërorë që pritet të marrin pjesë. Të pranishëm do të jenë edhe anëtarë të familjeve mbretërore nga e gjithë Evropa.

Shumë nga të ftuarit pritet t'i bëjnë nderimet e tyre mbretëreshës në shtëpinë e saj në Westminster Hall dhe të nënshkruajnë një libër ngushëllimi në Lancaster House. Por fokusi do të jetë një pritje zyrtare shtetërore e organizuar nga Mbreti Charles III në Buckingham Palace.

Për shumë liderë, ky do të jetë shansi i tyre i vetëm për t'u takuar dhe për t'u angazhuar.

joe biden

Sondazh

Poll

MË SHUMË