Aktualitet

Tentuan të fusnin mbi 2200 ton naftë kontrabandë nga Libia, lihen në burg libianët e siriani

Ata u vunë në pranga për sasinë e naftës që futën kontrabandë përmes Portit të Durrësit.

16 Shtator 2022, 09:13 Nga F.M
Tentuan të fusnin mbi 2200 ton naftë kontrabandë nga Libia, lihen
Porti i Durrësit

DURRËS- Gjykata e Durrësit ka lënë në fuqi masën e sigurisë “arrest me burg” për tre libianët dhe sirianin që u vunë në pranga pasi tentuan të fusnin kontrabandë 2275 ton naftë me anije çisternë nga Libia në Shqipëri. Konkretisht në burg u lanë

Zuhair Alkuafi (kapiteni i anijes) 54 vjeç, Muajid Altabir, 25 vjeç, Amad Abushala, 43 vjeç, të tre banues në Libi dhe Badar Tezini, 25 vjeç, banues në Siri. Të katërt akuzohen për veprat penale “Kontranda më mallra për të cilat paguhet akcizë”, “Ruajtja apo depozitimi i mallrave kontrabandë” dhe “Kontrabanda e kapitenit, pilotit ose ekuipazhit”, të kryera në bashkëpunim.

Ata u kapën në Durrës pasi anija ‘Queen Majeda’ me flamurin Kamerunas iu nënështrua kontrollit nga autoritetet portuale. Brenda saj u gjet sasia e naftës, e cila ishte e paregjistruar. Nën hetim për të njëjtën çështje janë edhe gjashtë persona të tjerë, po nga Libia. Vetë kapiteni tregoi se kjo ishte rruga e tretë që bënin drejt Shqipërisë, por ende nuk dihet kush do të blinte sasinë e naftës që vinte në Shqipëri.

porti i durresit nafte kontrabande nga libia

Sondazh

Poll

MË SHUMË