Aktualitet

Pedagogët peticion me 9 kerkesa ministrisë, kërkojnë rritjen e pagës! Paralajmërojnë bojkot

Një nga pedagogët duke folur për mediat u shpreh se që prej 18 vitesh nuk u janë rritur pagat, ndërsa ka hedhur akuza ndaj qeverisë, e cila u ka hequr projektet për shkak të korrupsionit.

15 Shtator 2022, 14:52 Nga e.k
Pedagogët peticion me 9 kerkesa ministrisë, kërkojnë
Pedagogu duke folur për mediat

TIRANË- Pedagogët, të cilët zhvilluan një protestë para Fakultetit të Shkencave të Natyrës në Universitetin e Shkodrës, kanë paralajmëruar protestë tjetër më 5 tetor nëse nuk u rriten pagat.

Një nga pedagogët duke folur për mediat u shpreh se që prej 18 vitesh nuk u janë rritur pagat, ndërsa ka hedhur akuza ndaj qeverisë, e cila u ka hequr projektet për shkak të korrupsionit.

“Duam një pagë dinjitoze, në linjë me kohën. E kuptojmë që situata është e vështirë për të gjithë, por ne po punojmë dhe përfaqësojmë elitën, por jemi lënë në harresë. Stafi i ndihmësve akademik po fillon të refuzojë punën, dhe ikin sepse nuk janë të motivuar, kur nga ana tjetër kërkohet mësim cilësor. Nuk do të doja kurrë të arrinim këtu, por le të jetë ky një sinjal”, thotë profesori.

Ndërkohë është bërë e ditur se në orën 14:00 pedagogët do të zhvillojnë takim me ministren e Arsimit, Evis Kushin. Sindikata e Arsimit të Lartë e zhvilloi protestën pasi qeveria nuk përfshiu kërkesat e tyre as në paketën e dytë të rezistencës. Përballë fakultetit ndodheshin rreth 200 pedagogë të fakultetit dhe dhjetëra të fakulteteve të tjerë, si dhe mbështetës të kauzës.

Arsimtarët kërkojnë në veçanti rishikimin e pagës së tyre. Sipas tyre, prej vitit 2004 për këtë kategori nuk janë rritur pagat dhe as janë indeksuar sipas inflacionit. Ata kërkojnë edhe rritje të buxhetit për kërkimin shkencor, si dhe rritje të pagës për orët suplementare.

protesta e pedagogeve

Sondazh

Poll

MË SHUMË