Aktualitet

Kapet furgoni me mallra dhe veshje kontrabandë te Medreseja, shpallet në kërkim pronari i dyqanit

Policia lokalizoi në afërsi të hyrjes së tregut të Medresesë furgonin me drejtues shtetasin H. B., në të cilin, gjatë kontrollit u gjetën dhe u sekuestruan, në cilësinë e provës materiale, mallra dhe veshje, të dyshuara të kontrabanduara.

15 Shtator 2022, 09:41 Nga A.B
Kapet furgoni me mallra dhe veshje kontrabandë te Medreseja, shpallet
Mallrat

TIRANË- Seksioni për Hetimin e Krimit Ekonomik dhe Financiar në Tiranë, ka zbuluar një furgon i cili brenda kishte mallra dhe veshje kontrabandë. Policia lokalizoi në afërsi të hyrjes së tregut të Medresesë furgonin me drejtues shtetasin H. B., në të cilin, gjatë kontrollit u gjetën dhe u sekuestruan, në cilësinë e provës materiale, mallra dhe veshje, të dyshuara të kontrabanduara. Nga veprimet hetimore ka rezultuar se këto mallra do t’i merrte personi me inicialet F. Q., 52 vjeç, pronari i një dyqani, i cili u shpall në kërkim. Në vijim të veprimeve u procedua penalisht në gjendje të lirë shtetasja A. Q., 44 vjeçe, shitëse në këtë dyqan.

NJOFTIMI I POLICISË:

Finalizohet nga Seksioni për Hetimin e Krimit Ekonomik dhe Financiar në DVP Tiranë, operacioni policor i koduar "wares". Sekuestrohen mallra dhe veshje të ndryshme, të dyshuara të kontrabanduara. Vihet në pranga drejtuesi i një furgoni që u kap duke transportuar mallrat e dyshuara të kontrabanduara, drejt një dyqani. Shpallet në kërkim pronari i dyqanit që do merrte mallrat, procedohet penalisht shitësja. Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, organizuan dhe finalizuan operacionin policor të koduar "ëares".

Si rezultat i këtij operacioni u bë arrestimi në flagrancë i shtetasit: - H. B., 59 vjeç, banues në Tiranë. Shërbimet e Policisë, në afërsi të hyrjes së tregut të Medresesë, kanë lokalizuar dhe ndaluar furgonin me drejtues shtetasin H. B., në të cilin, gjatë kontrollit u gjetën dhe u sekuestruan, në cilësinë e provës materiale, mallra dhe veshje, të dyshuara të kontrabanduara. Nga veprimet hetimore ka rezultuar se këto mallra do t’i merrte shtetasi F. Q., 52 vjeç, pronari i një dyqani, i cili u shpall në kërkim. Në vijim të veprimeve u procedua penalisht në gjendje të lirë shtetasja A. Q., 44 vjeçe, shitëse në këtë dyqan. Materialet i kaluan Prokurorisë, për veprime të mëtejshme procedurale.

mallra kontrabande tirane operacioni \'wares\'

Sondazh

Poll

MË SHUMË