Sport

“Patëm një shthurrje psikologjike”, justifikimi i Max Allegrit për humbjen...

“Janë momente të vështira, mendoj se është hera e parë që kjo skuadër humbet dy ndeshje radhazi në Champions League. Tani nuk keni nevojë të flisni, thjesht punoni dhe mendoni”, janë fjalët që trajneri bardhezi i ka thënë skuadrës pas ndeshjes

15 Shtator 2022, 06:51 Nga DOSJA

“Patëm një shthurrje psikologjike”, justifikimi i Max

ITALI - Kontestohet hapur dhe është hera e parë. Të paktën në tonet dhe mënyrat që u dëgjuan në stadium. Sigurisht një moment i vështirë për Max Allegrin, i cili përfundoi në qendër të tifozëve të Juventusit, jo vetëm në rrjetet sociale të ‘Allegriout’, por edhe të atyre që ishin dëshmitarë të humbjes së shëmtuar dhe të rëndë kundër skuadrës së Benfikës. 

“Patëm një shthurrje psikologjike!” Kjo është fraza e fortë e Massimiliano Allegrit, trajnerit të Juventusit, për të justifikuar humbjen e pësuar ndaj Benfikës (1-2). Bardhezinjtë e nisën mirë, duke hapur rezultatin pas 4 minutash, por Benfica barazoi afër pushimit, me një penallti të shndërruar në gol nga João Mário (43'), duke përmbyllur rikthimin e David Neres në pjesën e dytë. 

“Ka pak shpjegime për të dhënë. Pas 1-2, loja ka përfunduar për ne. Ishte në dorën tonë, por patëm një shthurrje psikologjike”,- tha Allegri, duke njohur momentin e keq të skuadrës, e cila është kështu në zero pikë në Champions League pas dy ndeshjeve të para.

“Duhet të punojmë shumë dhe t’i bëjmë gjërat hap pas hapi. Është një kohë e vështirë, Champions League është e komplikuar tani, nuk do të flasim as për kalimin në fazën tjetër, ndaj le të mendojmë tani për kampionatin. Të dielën ne kemi një tjetër ndeshje, duhet të përpiqemi ta mbyllim këtë pjesë të parë të sezonit në mënyrën më të mirë të mundshme”, - u shpreh trajneri Allegri pas ndeshjes.

B.T (Dosja.al)

Sondazh

Poll

MË SHUMË