Aktualitet

'Drogë, para dhe armë'/ Shkatërrohet banda kriminale në Ibiza, shumica shqiptarë

Në banesën dykatëshe u gjetën rreth 50 mijë euro cash, dy ora me vlerë dhe një fuoristradë Mercedes me vlerë mbi 300 mijë euro. Pas disa kërkimesh është vënë në pranga shqiptari, i cili u nxorr nga banesa nga dy oficerë të Guardia Civile. 

14 Shtator 2022, 08:56 Nga A.B
'Drogë, para dhe armë'/ Shkatërrohet banda kriminale
Policia

IBIZA- Arrestime të shumta janë kryer në Santa Gertrudis mëngjesin e sotëm. Disa automjete u vendosën pranë një banese dykatëshe që ndodhet pranë rrethrrotullimit në hyrje të qendrës së qytetit. Operacioni u shtri dhe në pjesë të tjera të ishullit, si Puig d'en Valls, Ibiza dhe Sant Josep për të çmontuar një grup kriminal që merret me trafikun e drogës dhe pastrimin e parave.

Sipas informacionit të mbledhur nga Periódico de Ibiza y Formentera, operacioni rezultoi në rreth dhjetë arrestime të martën. Nga operacioni u sekuestruan gjithashtu dhjetëra mijëra euro cash, sasi të ndryshme lëndësh narkotike, automjete të nivelit të lartë dhe ora me vlerë.

Agjentët nxorrën nga mjetet e tyre të gjitha materialet që kishin marrë për të kërkuar drogën dhe paratë. Kazma, lopata, skanerë, detektorë metali dhe tre qenj, ishin ndihma e marrë nga agjentët për të gjetur drogën.

Në banesën dykatëshe u gjetën rreth 50 mijë euro cash, dy ora me vlerë dhe një fuoristradë Mercedes me vlerë mbi 300 mijë euro. Pas disa kërkimesh është vënë në pranga shqiptari, i cili u nxorr nga banesa nga dy oficerë të Guardia Civile. 

Pikat e shitjes së drogës

Sipas informacioneve, shumica e të arrestuarve janë nga Evropa Lindore, me origjinë nga Shqipëria. Bastisjet dhe kontrollet në shtëpi dhe ambiente tregtare vazhduan deri në orët e vona të pasdites. Për këtë fazë të operacionit janë mobilizuar agjentë të Policisë Gjyqësore dhe Njësisë Qendrore Operative (UCO) nga Palma.

Shpërndarje e madhe

Operacioni i djeshëm në shkallë të gjerë vjen në krye të dy operacioneve të tjera të mëdha të kryera javët e fundit në ishull kundër grupeve kriminale të specializuara në trafikun e drogës dhe pastrimin e parave. Guardia Civil, Policia Kombëtare, Policia Kombëtare Kolumbiane, Europol dhe NCA britanike bashkëpunuan në një operacion që rezultoi në 13 arrestime në pjesë të ndryshme të Ibiza.

Në këtë operacion u sekuestrua sasia më e madhe e kokainës rozë në Spanjë: gjithsej 13.25 kilogramë që do të arrinte një vlerë tregu afër dy milionë euro. Gjithashtu u sekuestruan 5.6 kilogramë ketaminë, 16.4 kilogramë kokainë dhe lëndë të tjera narkotike, si dhe 439 mijë euro para të gatshme, 30 mijë sterlina, 12 mijë dollarë, 10 automjete të nivelit të mesëm dhe të lartë dhe disa ora luksoze.

Një javë më parë, më 24 gusht, një operacion nga Guardia Civil, Policia Kombëtare dhe Agjencia e Tatimeve çmontuan një rrjet që shpërndante sasi të mëdha droge në ishull dhe që kishte plantacione marijuanë. Më shumë se 20 persona u arrestuan gjatë operacionit./Burimi: Periodicodeibizia

arrestim ne ibiza ibiza

Sondazh

Poll

MË SHUMË