Bota

Arkeologët gjejnë një dhëmb njeriu 1.8 milion vjeçar në Gjeorgji

Arkeologët në Gjeorgji kanë gjetur një dhëmb 1.8 milionë vjeçar që i përket një specieje të hershme njerëzore. Dhëmbi u zbulua pranë fshatit Orozmani, dhe është afër Dmanisit, ku kafka njerëzore të datuara me 1.8 milionë vjeç u gjetën në fund të viteve 1990 dhe fillim të viteve 2000.

12 Shtator 2022, 18:30 Nga s.s
Arkeologët gjejnë një dhëmb njeriu 1.8 milion vjeçar
Arkeologët gjetën një dhëmb njeriu 1.8 milion vjeçar në Gjeorgji

GJEORGJI- Arkeologët në Gjeorgji kanë gjetur një dhëmb 1.8 milionë vjeçar që i përket një specieje të hershme njerëzore. Gjetja tregon gjithashtu se Gjeorgjia duhet të ketë qenë shtëpia e një prej vendbanimeve më të vjetra parahistorike njerëzore në Evropë, ndoshta edhe jashtë Afrikës.

Dhëmbi u zbulua pranë fshatit Orozmani, dhe është afër Dmanisit, ku kafka njerëzore të datuara me 1.8 milionë vjeçare u gjetën në fund të viteve 1990 dhe fillim të viteve 2000, raporton greekreporter.com.

Gjetjet e Dmanisit ishin zbulimi më i vjetër i tillë kudo në botë jashtë Afrikës dhe ndryshuan të kuptuarit e shkencëtarëve për evolucionin e hershëm njerëzor dhe modelet e migrimit.

Zbulimi i fundit në një vend rreth 12 milje larg ofron akoma më shumë prova se zona malore e Kaukazit jugor ishte ndoshta një nga vendet e para që njerëzit e hershëm u vendosën pas migrimit nga Afrika, thanë ekspertët.

Giorgi Bidzinashvili, udhëheqësi shkencor i ekipit të gërmimit, tha se mendonte se dhëmbi i përkiste një "kushëriri" të Zezvas dhe Mzias, emrat e dhënë njerëzve, kafkat pothuajse 1.8 milionë vjeçare të të cilëve u gjetën në Dmanisi.

dhemb arkeolog gjeorgji

Sondazh

Poll

MË SHUMË