Aktualitet

Kallëzohen nga dy italianë ish-kreu i bashkisë dhe ish-shefi i urbanistikës në Sarandë

Kanë qënë dy italianë ata që kanë kallëzuar Agjencinë Shtetërore të Kadastrës për legalizimin e një prone. 

12 Shtator 2022, 09:41 Nga A.B
Kallëzohen nga dy italianë ish-kreu i bashkisë dhe ish-shefi i
Policia Sarande

SARANDË- Ish-kryetari i Bashkisë dhe ish-shefi i Urbanistikës në Sarandë janë paditur. 'Neës24' raporton se Prokuroria e Sarandës ka lëshuar urdhër-arreste për dy padi që kanë të bëjnë me pronat, ndaj këtyre dy ish-zyrtarëve.

Kanë qënë dy italianë ata që kanë kallëzuar Agjencinë Shtetërore të Kadastrës për legalizimin e një prone.  Shtetasit e huaj kanë kallëzuar zyrtarë të ASHK-it për legalizimin e një prone e cila në fakt krijonte mbivendosje me pronën e tyre në Ksamil.

Po ashtu, është zbuluar se janë kryer dhjetëra kallëzime në Komisariatin e Sarandës në vitin 2021 ndaj zyrtarëve të administratës publike lidhur me problemet e pronave në qytet. Në 10 raste janë kallëzuar zyrtarë të Bashkisë Sarandë lidhur me favorizim ndërtimesh të paligjshme, prishje të padrejta ndërtimesh dhe mosveprime për goditjen e ndërtimeve të paligjshme apo lirimin e hapësirave të zaptuara.

Në 6 raste janë kallëzuar zyrtarë dhe ishzyrtarë të ASHK Sarandë lidhur me legalizime të paligjshme, regjistrime e pajisje të paligjshme me certifikate pronësie dhe mosvperim lidhur me detyrime ligjore. Një nga kallëzimet e tjera është e një qytetari nga Saranda, i cili ka kallëzuar përfitimin e 990 m2 pronë publike në lagjen nr. 4 përmes dokumenteve të falsifikuara dhe rasti i fundit i takon kallëzimit të një qytetari për një ngjarje sipas tij të ndodhur në vitin 2006, ku Kryetari i Bashkisë i asaj kohe në bashkëpunim me shefin e urbanistikes, kanë falsifikuar dokumentet duke i dhënë një truall 300 m2 në pronësi të kallëzuesit, një shtetasi tjetër.

 

sarande

Sondazh

Poll

MË SHUMË