Aktualitet

'A keni turp'/ Konfiskimi i kateve pa leje, Açka:Aksion i pastër gjobëvënieje

Açka shkruan se qeveria ka nisur një uzurpim dhe brutalitet vetëm për të tërhequr vëmendje nga rritja e çmimit të energjisë elektrike. 

9 Shtator 2022, 14:46 Nga A.B
'A keni turp'/ Konfiskimi i kateve pa leje, Açka:Aksion i
Flutura Açka

TIRANË- Deputetja e Partisë Demokratike, Flutura Açka ka reaguar ditën e sotme ndaj aksionit të ndërmarrë nga qeveria për konfiskimin e kateve pa leje në pallate. Ajo e cilëson një aksion gjobëvënieje për të mbushur arkën e shtetit. Nëpërmjet një postimi të bërë në rrjetin e saj Facebook, Açka shkruan se qeveria ka nisur një uzurpim dhe brutalitet vetëm për të tërhequr vëmendje nga rritja e çmimit të energjisë elektrike. 

STATUSI:

A keni ndonjë fije turpi?! Po sekuestroni godina shumëkatëshe pa lejë? Po kush i lejoi këto godina të ndërtohen? Ju! Ky është një aksion i pastër gjobëvënieje për të mbushur arkën e shtetit dhe për të hequr vëmendjen nga rritja e çmimit të energjisë me të cilin i gjobitët dje shqiptarët. Sa kohë nuk ka të ndëshkuar për këto shkelje dhe dorëheqjet tuaja, kjo është vetëm kozmetikë. Kështu e nisët pushtetin, duke sekuestruar ikona, gjysmat e të cileve tani një zot e di ku janë. Uzurpimi pas shpine, brutaliteti fashist pa kurrfarë shqyrtimi të rregullave dhe ndërgjegjjes, është domeni juaj i pushtetit. Aty jemi në substancën tuaj dhe të parëve tuaj. Doni t’iu shërbeni shqiptarëve? Çlironi edhe rrugicat e qyteteve nga kioskat e patronazhistëve tuaj.

Rama paralajmëroi ndërtuesit disa ditë më parë. Ai tha prerë se çdo kullë e ngritur për përfitim ekonomik do të prishet apo dhurohet në mënyrë të publikut. Kreu i qeverisë përmendi dhe pallatin e ndërtuar në Farkë dhe kërkoi gjithashtu heqjen e shefit të komisariatit që ka lejuar ngritjen e kësaj godine pa leje. Pa përmendur emra, Rama tha se milionerët që ngrenë kulla pa leje do të ndiqen penalisht nëse nuk pranojnë parablerje apo ta dhurojnë pronën për publikun. Gjithashtu, kreu i qeverisë shtoi se nëse ndërtuesi tenton të përdorë gjykatat, do shuhet si faktor ekonomik. 

flutura acka konfiskimi i kullave

Sondazh

Poll

MË SHUMË