Art&Argëtim

Kompania e themeluar nga Angelina Jolie ngre padi prej 250 milionë dollarësh ndaj Brad Pitt

Një kompani e themeluar nga aktorja ka ngritur një padi prej 250 milionë dollarësh kundër ish-bashkëshortit të saj Brad Pitt.

8 Shtator 2022, 19:40 Nga s.s
Kompania e themeluar nga Angelina Jolie ngre padi prej 250 milionë
Angelina Jolie dhe Brad Pitt

SHBA- Angelina Jolie është një ndër aktoret më të famshme në të gjithë botën. Së fundmi, një kompani e themeluar nga aktorja ka ngritur një padi prej 250 milionë dollarësh kundër ish-bashkëshortit të saj Brad Pitt.

Që nga njoftimi i ndarjes së tyre në vitin 2016, Jolie dhe Pitt janë përfshirë në proçedurat e divorcit në lidhje me kujdestarinë e fëmijëve dhe mosmarrëveshjet pronësore. Padia i përket kantinës franceze që ish-çifti blenë së bashku gjatë lidhjes së tyre.

Dokumentat e gjykatës të paraqitura të martën (6 shtator) dhe të parë nga Page Six pretendojnë se Pitt u përpoq të "marrë kontrollin" e pronës prej 1,300 hektarësh "në shenjë hakmarrjeje" për "proçedurat e divorcit dhe kujdestarisë", raporton independent.co.uk.

Padia pretendon se dyshja, të cilët u martuan në vitin 2014, të dy investuan dhjetëra miliona dollarë për të përmirësuar Chateau Miraval SA, një pronë në jug të Francës. Faqja u ble nga aktorët në vitin 2012 për rreth 25 milionë euro (20,875,500 £), megjithëse ata e kishin marrë me qira për vite më parë.

Padia vazhdon me pretendimin se Pitt shpërdoroi miliona nga paratë e kompanisë në "projekte të kota", duke përfshirë më shumë se një milion dollarë në një pishinë. Pitt ende nuk e ka adresuar vetë padinë. Një burim i afërt me aktorin tha për Us Weekly : "Kjo është një ripërsëritje dhe ripaketim i materialit të vjetër për të provuar të shkëpusni vëmendjen nga sjellja e palës tjetër".

Në qershor të këtij viti, avokatët në emër të yllit të Fight Club thanë se nën drejtimin e tij, biznesi ishte rritur në një "histori suksesi ndërkombëtar shumë milionë dollarësh", por që Jolie "nuk kishte kontribuar asgjë". Sipas padisë, Jolie i shiti aksionet e saj një prodhuesi pijesh alkoolike me bazë në Luksemburg, të kontrolluar nga oligarku rus Yuri Shefler, pa dijeninë e Pitt.

angelina jolie brad pitt

Sondazh

Poll

MË SHUMË