Sport

James Rodríguez shfaqet pas gjashtë muajsh në skuadër... ‘tërmet’ në Katar

Tension dhe dyshime për rishfaqjen e tij të mundshme me Al Rayyan. Kolumbiani për here të fundit ka luajtur më 5 mars

6 Shtator 2022, 12:57 Nga DOSJA

James Rodríguez shfaqet pas gjashtë muajsh në skuadër...

KATAR - Tension, kjo është fjala që përcakton atë që James Rodríguez po përjeton këto ditë në rikthimin e tij të mundshëm në kampionatin në Katar. Kolumbiani, tashmë i rikuperuar nga një dëmtim, po stërvitet me Al Rayyan dhe po pret nëse do të thirret për të luajtur me skuadrën e tij këtë të mërkurë, më 7 shtator, kundër Al Markhiya në ditën e gjashtë të ligës së yjeve të Katarit.

Këto janë ditë të vështira për futbollistin, pas tentativës së largimit të frustruar ndaj Valencias.  Fjalët e tij, që siguronin se ai ishte i gatshëm të ulte pagën për t’u rikthyer në Spanjë nëse e firmosnin, kanë shkaktuar një ‘tërmet’ në Katar, ku mediat janë ballafaquar me futbollistin për atë që ka thënë dhe për performancën që ka dhënë deri më tani.

James Rodríguez shfaqet pas gjashtë muajsh në skuadër...

James nuk ka luajtur për klubin e tij që nga 5 marsi. Dëmtimet dhe pushimet verore e kanë penguar atë të rishfaqet me ekipin që e zgjodhi një vit më parë tani. Disa media e kanë akuzuar atë se ka bërë kot si i dëmtuar dhe se është shumë joprofesional. Kritikat për paraqitjen e tij janë të tmerrshme dhe tani është koha që të rishfaqet me ekipin nëse trajneri i tij mendon se është e përshtatshme.

Kjo është arsyeja pse Nicolás Córdova, trajneri i tij, duhej të dilte dhe të mohonte disa raste duke mbrojtur lojtarin e tij. Megjithatë, do të duhet të presim për të zbuluar nëse këtë herë ai do të bëjë të njëjtën gjë pas ‘tërmetit’ që është krijuar brenda Al Rayyan nga fjalët e yllit të tij.

B.T (Dosja.al)

Sondazh

Poll

MË SHUMË