Bota

Kush është Sir Graham Brady që do të shpallë kryeministrin e ri britanik

Megjithatë, Sir Brady si procedurë, do të ketë informuar dhjetë minuta më parë dy gladiatorët Liz Truss dhe Rishi Sunak se cili është fituesi i madh që do të marrë frenat e Partisë Konservatore dhe Britanisë.

5 Shtator 2022, 12:34 Nga d.a.

BRITANI- Nga "buzët" e Sir Graham Brady, kryetarit të "Komitetit 1922" të deputetëve konservatorë, do të jetë vëmendja e anëtarëve të konservatorëve, ndërsa në orën 12:30, ai do të shpallë emrin e liderit të ri të partisë dhe pasardhësin e kryeministrit në largim Boris Johnson në Downing Street.

Kush është Sir Graham Brady?

Lindur në Salford, Lancashire në 1967. Ka studiuar drejtësi në Altrincham Grammar School dhe Durham University. Në moshën 16-vjeçare ai u përfshi me publikun dhe u bashkua me Partinë Konservatore duke marrë pjesë në një fushatë për të shpëtuar shkollat e mesme lokale.

Para se të ulej në Dhomën e Komunave në 1997, Graham ishte Drejtor i Çështjeve Publike në Partneritetin Waterfront. Ai ka punuar më parë në qendrën për studime të politikave dhe Shandwick Plc.

Kur u zgjodh si deputet konservator, ai u bë deputeti më i ri konservator. Në Parlamentin Britanik ishte përfaqësues i opozitës për sektorin e punësimit . Përveç kësaj, ai ishte ministër “hije” për fushën e Arsimit.

Nga viti 2008 deri në vitin 2011, ai ishte anëtar i Komitetit të Përzgjedhur të Thesarit dhe ishte Guvernator i Universitetit Metropolitan të Mançesterit. Në janar 2020 ai u bë Zëvendës President i Forumit të Ndërmarrjeve. Ai është një mbështetës i zjarrtë i Stockdales, një bamirësi që mbështet fëmijët dhe të rriturit me aftësi të kufizuara në të mësuar në Mançester.

Ai ishte një mbështetës i vendosur i Brexit në referendumin e BE-së në vitin 2016. Brady, 54 vjeç, është i martuar me dy fëmijë të rritur. Në vitin 2010 ai u zgjodh Kryetar i Komitetit të vitit 1922, i cili përfaqëson interesat e deputetëve konservatorë dhe i ka shërbyer me besnikëri detyrës deri më sot.

Komiteti konservator u jep deputetëve konservatorë mundësinë të shprehin shqetësimet e tyre, të raportojnë mbi punën e zonave zgjedhore dhe të koordinojnë axhendat legjislative.

Anëtarët takohen në baza javore ndërsa Parlamenti është në seancë dhe luajnë një rol të rëndësishëm në zgjedhjen e liderit të partisë. Ata kanë ndikim edhe në rrëzimin e mundshëm të kujtdo që është në krye.

Boris Johnson ka dhënë dorëheqjen si kryetar i partisë konservatore në Londër, njëkohësisht dhe si kryeministër i MB më 7 korrik. Vendimi erdhi pas presionit që pati nga kabineti qeveritar, ku afro 50 anëtarë të kabinetit, (ministra, zëvendësministra dhe ndihmës) dhanë dorëheqjen nga qeveria e Johnson brenda javës. Johnson fitoi votëbesimin nga partia e tij parlamentare në fillim të qershorit ku 41.2% të deputetëve të tij konservatorë votuan kundër. Nga 11 kandidatë në fillimi të garë në fund mbetën 2, Rishi Sunak dhe Lis Truss.

sir graham brady kryeministri i ri i britanise