Sport

Pas fitores me Interin, rinovimi i kontratës së Rafael Leaos prioritet për Milanin…

Klubi 'rossonero' e di se për të vazhduar rritjen duhet të ketë portugezin në skuadër dhe ata duan ta mbrojnë yllin e tyre, pasi u testuan nga Chelsea këtë verë.

4 Shtator 2022, 07:54 Nga DOSJA
Pas fitores me Interin, rinovimi i kontratës së Rafael Leaos prioritet
Leao lë pas Skriniar, në golin e tij të dytë kundër Interit

ITALI - Rafael Leao ishte personazhi kryesor me dy golat dhe asistimin me të cilin varrosi mbrëmë Interin në “Derby della madonnina” (3-2). Për shkak se performanca e tij nuk vihet në dyshim për një kohë të gjatë, ai tashmë ka depërtuar plotësisht në zemrën e familjes 'Rossonera', pasi deri më sot, ai nuk kishte shënuar asnjëherë gol ndaj rivalit të përjetshëm të Milanit. Tani i lartësuar si idhull nga një dimension tjetër për këtë arsye, 'detyra morale' e Milanit është e madhe.

Që Leao, vetëm 23 vjeç, të vazhdojë si 'kuqezi' është bërë një prioritet absolut për Milanin, i cili sapo ka ndryshuar pronësi. Me një kontratë deri në vitin 2024, gjatë gjithë këtij viti është folur për dëshirën e klubit për të zgjatur marrëdhënien me portugezin dhe tani entiteti, dëshiron të bëjë hapin. “Gazzetta dello Sport” e ka raportuar këtë këto ditë dhe Stefano Pioli i ka konfirmuar një gjë të tillë. 

"Klubi dëshiron t'i ofrojë Leaos një kontratë të re së shpejti. Ata do të kujdesen për këtë, ai po punon në nivelin më të mirë. (Leao) Ai nuk ka krijuar asnjë problem, ai thjesht po punon shumë si një profesionist i madh,"- ka thenë trajneri në deklaratat e mbledhura nga Fabrizio Romano. 

Interesi i fundit i Chelseas të pasur për Rafael Leao këtë verë, e detyron Milanin edhe më shumë të mbrojë portugezin, i cili mbërriti në 2019 nga Lille për 35 milionë euro. Aktualisht ai ka regjistruar 3 gola dhe 2 asistime në pesë ndeshje të Serisë A këtë vit, ndërkohë që në sezonin e 'Scudettos', ai realizoi 11 gola dhe 10 asistime në 34 ndeshje. "Ai ka talent dhe predispozicion, cilësi thelbësore për t'u rritur. Një nga qëllimet tona është të ndërtojmë aksione në mënyrë që ai të shkojë një për një me kundërshtarin.  Qëndrimi i tij ndonjëherë edhe mund të mashtrojë,"- tha Pioli për të pas derbit.

B.T (Dosja.al)

Sondazh

Poll

MË SHUMË