Bota

Është nën kontrollin e trupave ruse, Kievi njofton për luftime intensive në Kherson

Pjesa më e madhe e rajonit të Khersonit në kufi me Detin e Zi dhe kryeqyteti i tij rajonal me të njëjtin emër u morën nën kontroll nga forcat ruse kur filloi agresioni gjashtë muaj më parë.

30 Gusht 2022, 17:51 Nga d.a.
Është nën kontrollin e trupave ruse, Kievi njofton për
Lufta ne Ukraine

UKRAINË- Kievi njoftoi të martën për luftime intensive në të gjithë rajonin jugor Kherson, nën kontrollin e Rusisë, ndërsa tha se trupat ukrainase vazhduan kundër-ofensivën "në drejtime të ndryshme".

Pjesa më e madhe e rajonit të Khersonit në kufi me Detin e Zi dhe kryeqyteti i tij rajonal me të njëjtin emër u morën nën kontroll nga forcat ruse kur filloi agresioni gjashtë muaj më parë.

Zyra e presidentit të Ukrainës tha se shpërthime të fuqishme kanë vazhduar gjatë gjithë ditës dhe natës në territorin e Khersonit dhe se forcat ukrainase ndërmorën sulme në drejtime të ndryshme.

Në fjalimin e tij të mbrëmjes të hënën, presidenti Volodymyr Zelensky nuk dha detaje për strategjinë e Ukrainës, por përdori një ton sfidues ndaj Rusisë, duke thënë se nëse duan të mbijetojnë, ushtarët rusë duhet të largohen.

Ndërkohë Ministria ruse e Mbrojtjes tha se Ukraina pësoi një "humbje në shkallë të gjerë", duke thënë se 1200 ushtarë të saj u vranë dhe dhjetëra pajisje ushtarake u shkatërruan gjatë sulmit të saj në jug, që Moska e quajti të dështuar.

Ministria e mbrojtjes e Britanisë paralajmëroi se që nga fillimi i gushtit, Rusia ka bërë "përpjekje të rëndësishme" për të përforcuar trupat në bregun perëndimor të lumit Dnipro që ndan qytetin e Khersonit.

Por presidenca ukrainase pretendoi se forcat e saj kishin shkatërruar "pothuajse të gjitha urat e mëdha" dhe se "kanë mbetur vetëm vendkalimet për këmbësorët" në rajon./VOA/

lufta ukraine-rusi volodymyr zelenskyy

Sondazh

Poll

Bota 30 Gusht 2022, 17:14 e.k

Paditet Netflix, zbulohet arsyeja

Laverne Cox si Kacy Duke, Katie Lowes si Rachel, Julia Garner si Anna Delvey dhe Alexis Floyd si Neff Davis. SHBA- Rachel DeLoache Williams, një ...

MË SHUMË