Politike

VD-'Nga sot do hapim fazën e celebrimeve'/ Rama: Në Shqipëri nuk ka sportistë të braktisur nga shteti

Rama tha se qeveria ka ardhur duke u përmirësuar sa i përket trajtimit të sportistëve në vend. 

27 Gusht 2022, 11:29 Nga A.B
VD-'Nga sot do hapim fazën e celebrimeve'/ Rama: Në
Edi Rama

TIRANË- Kryeministri Edi Rama deklaroi se që me ceremoninë e nderimit të Luiza Gegës, në vend do të nisë faza e celebrimeve për të nderuar sportistët. Gjatë eventit të nderimit të kampionit të boksit, Florian Markut, Rama tha se qeveria ka ardhur duke u përmirësuar sa i përket trajtimit të sportistëve në vend. 

'Është Floriani që e nderon këtë godinë me praninë e tij siç ishte Luiza me praninë e saj. Jemi të nderuar që të ndajmë disa momente me të tillë shqiptar. Kështu, ne përmirësohemi. Ka pasur dhe të tjerë kampionë, jo aq të rëndësishëm sa Luiza, nuk i kemi celebruar shumë. Me celebrimin e Luizës do të hapim këtë fazë, do të bëjmë të njëjtën gjë me ata që i sjellin Shqipërisë medalje. Më falni, po i marr leje Florianit, për të rinënvizuar, që sot ndryshe nga çfarë u tha për Luizën, nuk ka më në Shqipëri sportistë të braktisur nga shteti, sot ka një sistem i miratuar me një vendim qeverie kohë më parë. Vitin e shkuar e kanë përfituar 14 protagonistë, ndërsa në vitin ku jemi, deri më tani e kanë përfituar 44. 22 sportistë dhe 22 trajnerë.'- u shpreh Rama.

edi rama

Sondazh

Poll

MË SHUMË