Aktualitet

EMRI/ Nuk "heq dorë", arrestohet sërish për shitje të lëndëve narkotike 39-vjeçari në Fier

Kaceli është arrestuar gjithashtu më 31.10.2021, pasi shërbimet e Policisë gjetën dhe sekuestruan 3 kg kanabis në stanin në pronësi të tij.

26 Gusht 2022, 15:06 Nga e.k
EMRI/ Nuk "heq dorë", arrestohet sërish për shitje
Foto ilustruese

FIER- Një 39-vjeçar i identifikuar si Elkid Kaceli ka rënë sërish në prangat e Policisë pasi u kap me 1 kg kanabis të cilën e kishte fshehur në shtëpi.

Sipas bluve të Fierit në banesën e 39-veçarit në fshatin Libofshë u gjetën rreth 1 kg kanabis e ndarë në doza, gati për shitje dhe fara bimësh narkotike.

Kaceli është arrestuar gjithashtu më 31.10.2021, pasi shërbimet e Policisë gjetën dhe sekuestruan 3 kg kanabis në stanin në pronësi të tij.

NJOFTIMI I POLICISË

Vijojnë operacionet e njëpasnjëshme për goditjen e veprimtarive kriminale në fushën e narkotikëve.

Finalizohet nga Seksioni për Hetimin e Narkotikëve dhe Sektori Operacional ,në DVP Fier, operacioni policor antidrogë i koduar “Libofsha”.

Mbante në banesë rreth 1 kg kanabis, të ndarë në doza, gati për shitje dhe fara bimësh narkotike, arrestohet në flagrancë 39-vjeçari, përsëritës për veprimtari kriminale në fushën e narkotikëve.

Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, Seksioni për Hetimin e Narkotikëve, në bashkëpunim me Sektorin Operacional, në DVP Fier, pas informacioneve të marra në rrugë operative për një shtetas që shiste lëndë narkotike, në fshatin Libofshë, organizuan dhe finalizuan me sukses operacionin policor të koduar “Libofsha”, si rezultat i të cilit u arrestua në flagrancë shtetasi:

-E. K., 39 vjeç, banues në Libofshë, Fier, për veprën penale “Prodhimi dhe shitja e lëndëve narkotike”.

Në kuadër të këtij operacioni, si rezultat i kontrollit të ushtruar në banesën e këtij shtetasi, u gjetën dhe u sekustruan në cilësinë e provës materiale, rreth 1 kg lëndë e dyshuar narkotike kanabis, një pjesë e së cilës e ndarë në 127 doza, e gatshme për t’u shitur dhe 62 fara kanabisi. 39-vjeçari, përsëritës për veprimtarinë kriminale të shitjes së lëndëve narkotike, u arrestua gjithashtu më 31.10.2021, pasi shërbimet e Policisë gjetën dhe sekuestruan 3 kg kanabis në stanin në pronësi të tij.

Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.

policia e fierit elkid kaceli

Sondazh

Poll

MË SHUMË