Aktualitet

I shpëtoi atentatit në Shkodër, Alban Bruçi: Ishin dy persona me motor, s'i njoha

25-vjeçari thotë se nuk i ka njohur dot e se nuk ka konflikte me persona të cilëve mund tu drejtojë gishtin për ngjarjen në fjalë.

26 Gusht 2022, 10:00 Nga F.M
I shpëtoi atentatit në Shkodër, Alban Bruçi: Ishin dy
Foto Ilustruese

SHKODËR- Alban Bruçi, 25-vjeçari që i shpëtoi atentat një natë më parë në Shkodër ka deklaruar se nuk e ka idenë se kush mund të jenë autorët. në dëshminë e dhënë para unifromave blu, Bruçi është shprehur se ka parë që ishin dy persona me motor dhe se në drejtim të mjetit të tij kishte qëlluar vetëm njëri. Por, 25-vjeçari thotë se nuk i ka njohur dot e se nuk ka konflikte me persona të cilëve mund tu drejtojë gishtin për ngjarjen në fjalë.

"Nuk e kam idenë se kush mund të jenë autorët e kësaj ngjarje. Kam qenë duke shkuar në shtëpi kur dy persona me motoçikletë u afruan dhe qëlluan ndaj meje. Në atë moment u mundova që të shpëtoj dhe eca pak metra me makinë. Pasi u larguan nuk kisha marrë asnjë plumb dhe menjëherë erdha në polici për të treguar ngjarjen. Nuk kam konflikte me persona të tjerë dhe nuk e di se kush mund ta ketë bërë,"- tha Bruçi ndër të tjera.

Bruçi i shpëtoi një atentati një natë më parë në Shkodër. Ai po udhëtonte me mjetin e tij të llojit "Audi A3" në momentin që u qëllua me breshëri plumbash. 25-vjeçari ka arritur të dalë në kohë nga makina duke u shpëtuar plumbave. Në vitin 2016, Alban Bruçi është vënë në pranga për tentativë vrasjeje dhe kjo është pista kryesore ku po fokusohen hetimet. 

alban bruçi atentat ne shkoder

Sondazh

Poll

MË SHUMË