Aktualitet

Dyshohet se ndihmoi Ervis Martinajn të arratiset, arrestohet agjenti i Forcave Operacionale në Lezhë (EMRI)

Dyshohet se Jeton Lami ka ndihmuar të shumëkërkuarin Ervis Martinaj që të arratiset.

24 Gusht 2022, 10:02 Nga A.B
Dyshohet se ndihmoi Ervis Martinajn të arratiset, arrestohet agjenti i
Ervis Martinaj

LEZHË- Jeton Lami, agjent i forcave operacionale në Lezhë është arrestuar nga policia. 28-vjeçari banues në Tiranë, dyshohet se ka shpërdoruar detyrën duke përkrahur dhe transportuar një person shumë të kërkuar nga policia e shtetit. Ky person i cili është në kërkim nga policia dyshohet se është Ervis Martinaj. Ndaj Lamit, Gjykata e Shkallës së Parë Kurbin, ka caktuar masën e sigurimit personal "Arrest në burg", për veprën penale "Shpërdorimi i detyrës".

NJOFTIMI I POLICISË:

Strukturat Hetimore të Drejtorisë Vendore të Policisë Lezhë, në bashkëpunim me Prokurorinë e Rrethit Gjyqësor Kurbin, bënë ndalimin e shtetasit J. L., 28 vjeç, banues në Tiranë, me detyrë punonjës policie (agjent), pranë Drejtorisë së Forcës së Posaçme Operacionale në Policinë e Shtetit. Pas hetimeve të kryera në kuadër të procedimit penal të vitit 2022, për veprën penale të rrëmbimit të personit, referuar nga strukturat hetimore të DVP Lezhë, pranë Prokurorisë së Rrethit Gjyqësor Kurbin. Gjykata e Shkallës së Parë Kurbin, me vendimin e datës 23.08.2022, ka caktuar ndaj shtetasit J. L. masën e sigurimit personal "Arrest në burg", për veprën penale "Shpërdorimi i detyrës". Nga hetimet e thelluara rezulton se 28-vjeçari, duke qenë punonjës policie, ka shpërdoruar detyrën duke përkrahur dhe transportuar një person shumë të kërkuar. Materialet procedurale i kaluan për veprime të mëtejshme, Prokurorisë pranë Gjykatës së Shkallës së Parë Kurbin.

Aktualisht, Martinaj është në kërkim pasi sipas dëshmisë së të penduarit të drejtësisë Nuredin Dumani kishte urdhëruar vrasjen e ish-anëtarit të bandës së Durrësit, Endrit Dokles, atentat që nuk u realizua kurrë. Mirëpo, familja e Martinajt ka denoncuar humbjen e kontakteve me të shumëkërkuarin. Në denoncim, xhaxhai i Martinajt pretendon se nuk ka asnjë kontakt me nipin e tij, por një mik nga Puka e kishte njoftuar se nuk e kishin parë prej ditësh.

jeton lami ervis martinaj

Sondazh

Poll

MË SHUMË