Aktualitet

U futën në Uzinën e Gramshit/ Dy rusët dhe ukrainasi dalin sot para gjykatës, akuzat e Prokurorisë

Ndaj tre personave me nënshtetësi të huaj, Prokuroria e Elbasanit ka kërkuar masa e sigurisë “arrest me burg”.

24 Gusht 2022, 09:13 Nga A.B
U futën në Uzinën e Gramshit/ Dy rusët dhe ukrainasi dalin
Ruset

TIRANË- Svetlana Timofoeva, Mikhail Zorin dhe ukrainasi Fiodor Mihailoviç do të dalin ditën e sotme në orën 11:00 para Gjykatës së Elbasanit për t’u njohur me masën e sigurisë. Ndaj tre personave me nënshtetësi të huaj, Prokuroria e Elbasanit ka kërkuar masa e sigurisë “arrest me burg”.

Prokuroria thotë se nga marrja në pyetje e ukrainasit dhe rusëve dyshohet se kanë ardhur për spiunazh në vendin tonë. Në pajisjet e tyre të specializuara të fotografimit janë gjetur filmime dhe pamje të uzinës mekanike të Gramshit, por edhe të veprave të tjera që njihej si infrastrukturë kritike civile, siç janë burimet energjetike.

“Nga pyetja e tyre deri në këtë fazë të hetimit ka rezultuar baza e arsyeshme e të dhënave që krijon dyshimin e bazuar në prova se kanë ardhur në Shqipëri me mision të rekrutuar nga shërbimet e inteligjencës ruse me detyra të pëcaktuara” thuhet në kërkesën e prokurorisë për vlerësimin e masës së sigurisë.

Ata u shoqëruan nga policia mbrëmjen e 20 gushtit teksa tentuan të hynin në ish-uzinën e armëve në Gramsh. Rusi Zorin u përlesh me ushtarakët që ruanin objektin të cilët nuk e lejuan të hynte uzinë, duke i sulmuar edhe me një spraj neuroparalizues. Në dëshminë e tyre në polici pas arrestimit, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

Akuzat që rëndojnë mbi ta janë “Dhënia e informatave sekrete”, dhe “Sigurimi i informatave”.

Çfarë ndodhi më 20 gusht? 

Incidenti që la të lënduar dy ushtarë shqiptarë ndodhi më 20 gusht. Ishte roja i Uzinës së armëve në Gramsh, ai që ka vënë re i pari lëvizjet e dyshimta rreth objektit. Ai ka njoftuar përgjegjësin e rojeve se një person ka hyrë drenda territorit dhe ka tentuar të bëjë foto. Si përgjegjësi ashtu edhe efektivi që ruan objektin kanë zbatuar rregulloren dhe i kanë bërë thirrje personit që po bëne foto që të ndalonte. Ata i kanë bërë thirrje, por, personi në fjalë është kundërpërgjigjur me spraj neoparalizues. Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin. Ushtarët shqiptarë nuk janë ndalur me kaq. Ata kanë parë mjetin “Chevrolet”, Brenda të cilit ndodhej rusja Svetlana Timofoeva 33 vjeçe dhe ukrainasi me pasaportë ruse Fiodor Mihailoviç, 25 vjec.

ruset sulmojne uzinen e gramshit svetlana timofoeva mikhail zorin

Sondazh

Poll

MË SHUMË