Sport

VIDEO/ ‘Perla’ që hapi rrugën e fitores 7-0 të Amerikës, në derbin ndaj Cruz Azul...!

Fitorja historike u hap nga paraguajani Richard Sánchez me një goditje spektakolare me këmbën e majtë, ku topi përfundoi në këndin e sipërm të portës. Goli i madh që hapi fitoren për Amerikën

21 Gusht 2022, 16:47 Nga DOSJA

VIDEO/ ‘Perla’ që hapi rrugën e fitores 7-0 të

MEKSIKE - Ndeshja Amerika-Cruz Azul gjithmonë është konsideruar e veçantë në Liga MX. Të dyja skuadrat janë më të mirat në historinë e futbollit meksikan dhe, përveç kësaj, ata jo vetëm janë të një qyteti, por ndajnë edhe një 'shtëpi'.

Të dyja luajnë në stadiumin ‘Azteca’ në Mexico City, një nga komplekset historike të futbollit botëror. Pikërisht, historike ishte edhe ajo që u pa mëngjesin e sotëm në stadiumin ku Maradona u shkëlqeu si futbollist në ‘86. Amerika mundi rivalin e saj të përjetshëm me rezultatin 7-0, në një nga 'klasikët e futbollit meksikan', duke zbuluar epërsinë e “shqiponjave” ndaj “bluve”.

Në fakt, goli që i hapi rrugën fitores, ishte më i bukuri dhe spektakolari nga të gjithë. Richard Sánchez mori topin nga krahu i djathtë, e kontrolloi dhe goditi nga distanca.  Paraguajani lëshoi ​​një gjuajtje me këmbën e majtë, ku topi përfundoi direkt në këndin e portës së Cruz Azul. Topi filloi të fitonte lartësi dhe rrëshqiti në portën e Aztecas, pa i lënë asnjë mundësi Sebastián Jurado për ta parandaluar atë.

Amerika nuk kishte mëshirë për Cruz Azul, duke fituar me rezultatin e thellë 7-0 që tifozët e të dyja skuadrave, vështirë ta harrojnë shpejt. Richard Sánchez, me golin madhështor, ishte në krye të listës së shënuesve, e cila u pasurua me Portillo, Contreras (2), Martín, Fidalgo, Viñas dhe Reyes, që mbyllën ndeshjen.

B.T (Dosja.al)

Sondazh

Poll

MË SHUMË