Aktualitet

Incidenti në Gramsh, Nano shkon në Prokurorinë e Elbasanit, prezent gjatë pyetjes së rusëve e ukrainasit

Ata kanë mohuar të jenë agjentë dhe këmbëngulin se në Shqipëri kanë ardhur vetëm për turizëm.

21 Gusht 2022, 15:30 Nga F.M
Incidenti në Gramsh, Nano shkon në Prokurorinë e Elbasanit,
Drejtori i Përgjithshëm i Policisë së Shtetit, Gledis Nano

ELBASAN- Drejtori i Përgjithshëm i Policisë së Shtetit, Gledis Nano ka mbërritur në Prokurorinë e Elbasanit që ka marrë në dorë dosjen e rusëve e të ukrainësit që u përleshën me ushtarët shqiptarë në Gramsh. Nano ka qenë prezent në momentin që dy rusët, Svetlana Timofoeva, Mikhail Zorin dhe ukrainasi Fiodor Mihailoviç janë marrë sërish në pyetje. Ata kanë mohuar të jenë agjentë dhe këmbëngulin se në Shqipëri kanë ardhur vetëm për turizëm.

Sulmi që la të lënduar dy ushtarë shqiptarë nisi ditën e djeshme rreth orës 17:40. Ka qenë roja i Uzinës së armëve në Gramsh, ai që ka vënë re i pari lëvizjet e dyshimta rreth objektit. Ai ka njoftuar përgjegjësin e rojeve se një person ka hyrë drenda territorit dhe ka tentuar të bëjë foto. Si përgjegjësi ashtu edhe efektivi që ruan objektin kanë zbatuar rregulloren dhe i kanë bërë thirrje personit që po bëne foto që të ndalonte.

Ata i kanë bërë thirrje, por, personi në fjalë është kundërpërgjigjur me spraj neoparalizues. Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin. Ushtarët shqiptarë nuk janë ndalur me kaq. Ata kanë parë mjetin “Chevrolet”, Brenda të cilit ndodhej rusja Svetlana Timofoeva 33 vjeçe dhe ukrainasi Fiodor Mihailoviç, 25 vjec. Dy ushtarakët e plagosur janë dërguar në spital e ndodhen jashtë rrezikut për jetën.

gledis nano ruset sulmojne uzinen e gramshit svetlana timofoeva mikhail zorin fiodor mihailoviç

Sondazh

Poll

MË SHUMË