Aktualitet

Atentati në Vlorë, policia: Viktimat janë ende në mjet, autorët ishin me “BMW” pa targa

Brenda makinës janë gjetur tre armë zjarri të llojit automatik. 

18 Gusht 2022, 10:48 Nga F.M
Atentati në Vlorë, policia: Viktimat janë ende në mjet,
Vendi ku u vranë Shpati Lena e Hakim Xhezo

VLORË- Policia ka dalë me njoftim zyrtar në lidhje me vrasjen e dyfishtë që ndodhi rreth orës 09:00 në mbikalimin e Panajasë. Në njoftim thuhet se në fshatin Çerven, në aksin rrugor Levan-Tepelenë, nga shërbimet e Policisë është konstatuar duke u djegur një automjet i braktisur tip “BMW”, pa targa. Ai dyshohet të jetë mjeti i përdorur në krimin e dyfishtë. Brenda makinës janë gjetur tre armë zjarri të llojit automatik. 

Njoftimi i policisë Vlorë:

Sot, rreth orës 09:50, në dalje të fshatit Panaja, në aksin rrugor Fier-Vlorë, në rrethana ende të pa qarta, dyshohet se janë vrarë me armë zjarri, dy shtetas ende të paidentifikuar, të cilët ndodhen brenda një automjeti tip “Benz”. Gjatë krehjes së zonës, në fshatin Çerven, në aksin rrugor Levan-Tepelenë, nga shërbimet e Policisë është konstatuar duke u djegur një automjet i braktisur tip “BMë”, pa targa, i cili paraprakisht dyshohet se mund të jetë i autorit/ve të ngjarjes. Nga kqyrja paraprake e automjetit dallohen në brendësi të tij, 3 armë zjarri automatike.

Grupi hetimor nën drejtimin e Prokurorisë së Rrethit Gjyqësor Vlorë ndodhet në vendin e ngjarjes, ku vijon puna për zbardhjen dhe dokumentin e plotë të rrethanave të ngjarjes, identfikimin dhe kapjen e autorit/ve, si dhe identifikimin e dy shtetasve të gjendur pa shenja jete. Shërbimet e Policisë së DVP Vlorë, Delta Forcës e FNSH-së, në bashkëpunim me DVP Fier kanë ngritur pika kontrolli dhe po krehin zonën për të bërë të mundur kapjen e autrorëve.

shpati lena hakim xhezo vrasje e dyfishte ne vlore

Sondazh

Poll

MË SHUMË