Aktualitet

VD-DËSHTOI PLANI! Tentoi të arratisej në Greqi, arrestohet autori i vrasjes së Luan Hushit

Në momentet e arrestimit, Keqit nuk i është gjetur armë, ndërkohë vijon puna për kërkimin e kallashnikovit që kreu vrasjen e bashkëfshatarit të tij.

12 Gusht 2022, 09:20 Nga k.m.
VD-DËSHTOI PLANI! Tentoi të arratisej në Greqi, arrestohet autori
Klodian Keqi

KONISPOL- Klodian Keqi është arrestuar sot në orët e para të mëngjesit nga Policia teksa tentonte që të kalonte kufirin për në Greqi. Ai është vendosur në pranga pasi dyshohet se është personi që qëlloi me breshëri kallashnikovi dhe i mori jetën bashkëfshatarit të tij 55-vjeçarit, Luan Hushi. Në momentet e arrestimit, Keqit nuk i është gjetur armë, ndërkohë vijon puna për kërkimin e kallashnikovit që kreu vrasjen e bashkëfshatarit të tij.

“Shërbimet Operacionale të DVP Durrës dhe strukturat hetimore të Komisariatit të Policisë Krujë, pas 48 orë kërkimesh dhe ndjekjeje me metoda proaktive, nën drejtimin e Prokurorisë së Rrethit Gjyqësor Krujë, për lokalizimin dhe kapjen e autorit të vrasjes me armë zjarri të 55-vjeçarit, bënë të mundur që mbrëmjen e djeshme të lokalizonin në Konispol të Sarandës, autorin e dyshuar të ngjarjes,”- njoftoi Policia.

Gjithashtu, së bashku me 40-vjeçarin, kapën dhe arrestuan dy persona, të identifikuar si Lavdim Kasalla dhe Kujtim Gjoka, të cilët po shoqëronin dhe ndihmonin autorin për t’u larguar nëpërmjet kufirit të gjelbër për në shtetin grek.

Ngjarja e rëndë ndodhi mesditën e 10 gushtit, në fshatin Zgërdhesh të Krujës, në një zonë të pyllëzuar. E dyshohet se shkak për nisjen e konfliktit ishin disa degë me ullinj, por ka dhe një version tjetër që pretendon se ka ndodhur për prerjen e druve në pyll. Në konflikt e sipër, Keqi qëlloi ndaj 55-vjeçarit, duke i lënë disa plumba në bark. Ndaj edhe pse u dërgua me urgjencë në spitalin e Traumës, Hushi nuk ia doli që t'u mbijetonte plagëve të marra. Por me prangosjen e të dyshuarit kryesor, pritet të mësohet shkaku i vërtetë i vrasjes.

Por kjo nuk është hera e parë që Klodian Keqi përfundon në burg. 12 vite më parë, ai u përfshi në një përplasje të armatosur mes dy fisesh në Fushë Krujë. Ai dhe vëllai i tij, Jetmiri, u përplasën me fisin Daci. Konflikti mes tyre përfundoi me një ‘luftë të vërtetë’. Mësohet se shkak i përplasjes u bë një konflikt pronësie. Jetmir Keqi dhe Mustafa Daci përfunduan të plagosur. Klodian Keqi u arrestua pak më vonë.

klodian keqi vdes luan hushi luan hushi lavdim kasalla kujtim gjoka

Sondazh

Poll

MË SHUMË