Bota

I humbi kuleta me 850 euro në Prizren, habitet turisti gjerman nga shpejtësia e gjetjes

Pronari i një hoteli përmes një postimi në Facebook, ka rrëfyer një ndodhi që i ka ndodhur me disa miq të tij nga Gjermania.

5 Gusht 2022, 16:46 Nga s.s

I humbi kuleta me 850 euro në Prizren, habitet turisti gjerman nga

Humb Kuleta

KOSOVË- Në Prizren, Kosovë një ngjarje e pazakontë ka ndodhur ku pronari i një hoteli përmes një postimi në Facebook, ka rrëfyer një ndodhi që i ka ndodhur me disa miq të tij nga Gjermania.

Njërit prej tyre i kishte humbur kuleta dhe s’kishte besim se do të mund ta gjente. Spaqi tha se u shkaktua panik mes tyre, por se ai u nxitua që ta shuajë atë, duke u zotuar se në Kosovë nuk humb asgjë.

Ai ka telefonuar kompaninë e autobusëve përmes së cilës turistët gjermanë shkuan në Prizren për t’i pyetur nëse e kanë gjetur një kuletë të humbur. “Me një search ne internet, gjeta kontaktin e kompanisë, e kontaktova. U lajmëru një person më shume mirësjellje, ja paraqita problemin. Po më tha, e kemi gjetur një portofol në ulësen e dytë djathtas, në emër të ******, i ka 850 Euro, një ID edhe disa kartela bankare”, tha Spaqi.

Ai tha se vetë kompania e kishte kontaktuar turistin në fjalë në Facebook për t’i treguar se kuletën e kanë në zyrën e tyre. Spaqi tregon se kjo korrektësi e kosovarëve i la të habitur gjermanët, të cilët ishin shprehur se në Gjermani s’do të gjendej kaq shpejt.

kosove prizren