Politike

VD-'Pushimet mos i bëni në Gusht'/ Peleshi: Ka kryebashkiakë që kërkojnë helikopterin për zjarret kur janë në plazh

Peleshi i këshilloi që e mira do të ishte që pushimet kryebashkiakët të mos i marrin në muajin gusht pasi në atë periudhë mund të ketë më shumë emergjenca me zjarret. 

1 Gusht 2022, 12:36 Nga A.B
VD-'Pushimet mos i bëni në Gusht'/ Peleshi: Ka
Niko Peleshi

TIRANË-Ministri i Mbrojtjes Niko Peleshi në një takim me kryebashkiakët e vendit ku u diskutuan përgjegjësitë e këtyre të fundit për situatën e shkaktuar nga zjarret, tha se “vitin tjetër do kemi forca shumë të mëdha teknologjike nga më modernet në Evropë me shërbimin satelitor dhe dronëve që për sezoni e ardhëm do jenë në punë”. Ai deklaroi se ka kryebashkiakë që kërkojnë ndihma si helikopterë për shuarjet e zjarreve teksa ndodhen me pushime. Po ashtu, Peleshi i këshilloi që e mira do të ishte që pushimet të mos i marrin në muajin gusht pasi në atë periudhë mund të ketë më shumë emergjenca me zjarret. 

'Ka bashki ku kjo funksionon perfekt, ka dhe bashki që fikin telefonin e thonë nuk është zjarri im dhe nuk përgjigjen.Nëse do funksonojmë si e thame e të kuptoni që përgjegjësia e ruajtjes së territorit është e bashkive, FA janë në mbështetjen tuaj.Nuk është detyra jonë e ju na mbështesni, se shpesh kështu kuptohet që nga toni me të cilin flet kryetari i bashkisë që merr në telefon për helikopterin pa lëvizur as gishtin vet e në ndonjë rast dhe nga plazhi thonë zoti ministër ku është helikopteri.Vitin e kaluar kam shkuar vetë unë aty e nuk kam gjetur as kryetarin as perfektin kam pyetur e më kanë thënë janë me pushime.Mirë është që pushimet të mos i bëjmë në gusht, për mendimin tim ne nuk u urdhërojmë dot por sugjerimi do jetë që se cili prej nesh duke nisur nga unë e gjithë kryetarët e bashkive të jemi alert mos mungojmë kur ka emergjenca”.- u shpreh ministri. 

niko peleshi

Sondazh

Poll

MË SHUMË