Aktualitet

'S'të vjen zor që zihesh me të'/ Vrasja, mësuesi i kthyer nga Belgjika ndërhyri në debat, autori: Zbrit poshtë

Ditën e ngjarjes ai ka parë nga ballkoni i katit të dytë të banesës që fqinji i tij Alban Meneri po debatonte me një grua për punë parkimi, dhe i ka folur nga lart.

1 Gusht 2022, 12:34 Nga A.B
'S'të vjen zor që zihesh me të'/ Vrasja,
Policia

TIRANË- Detaje të reja nga vrasja në Tiranë. Viktima Nikolin Staka, 56 vjeç, me profesion mësues, lindur në Laç dhe banues prej një muaji me qira në Tiranë ka jetuar në Belgjikë më parë.

Ditën e ngjarjes ai ka parë nga ballkoni i katit të dytë të banesës që fqinji i tij Alban Meneri po debatonte me një grua për punë parkimi, dhe i ka folur nga lart.

“Çfarë bën, si nuk të vjen zor që zihesh me gra”, mësohet t’i ketë thënë viktima 51-vjeçarit. 

Autori i ka kërkuar që të ulet poshtë dhe të flasin. 

Zbrit poshtë se ta tregoj unë”, ka thënë autori.

Pasi janë takuar në sheshin poshtë pallatit, Mëneri e ka qëlluar me grushte në kokë, fytyrë dhe qafë Nikolinin dhe ka ikur nga vendi. Ditën tjetër, pra ditën e djeshme 56-vjeçari Staka është gjetur i pajetë në banesën e tij.

Dyshohet se ngjarja ka ndodhur më 30 korrik e se Staka të ketë ndërruar jetë nga hemorragjia. 

vrasje ne tirane nikolin staka alban meneri

Sondazh

Poll