Aktualitet

Detaje nga krimi në Greqi, 1 orë para se ta vriste shqiptarja e kishte denoncuar burrin në polici

Viktima e kishte denoncuar bashkëshortin e saj për dhunë vetëm një orë para se ai ti merrte jetën duke e sulmuar me thikë. Ajo që është dhe më shokuese është fakti që më 18 qershor "Kasapi i Zakynthos" u arrestua për dhunë në familje pasi goditi gruan e tij me shkop. Por 51-vjeçari është lënë i lirë me kusht që të mos i afrohet gruas së tij më shumë se 100 metra.

1 Gusht 2022, 10:02 Nga d.a.
Detaje nga krimi në Greqi, 1 orë para se ta vriste shqiptarja e kishte
pamje nga vendngjarja

GREQI- Një ngjarje e rëndë ka ndodhur mbrëmë në ishullin Zakynthos të Greqisë ku 60-vjeçari shqiptar Vladimir Beqiraj ka dhunuar dhe më pas vrarë me thikë gruan e tij 56-vjeçare.

Sipas Protothemës, viktima e kishte denoncuar bashkëshortin e saj për dhunë vetëm një orë para se ai ti merrte jetën duke e sulmuar me thikë. Ajo që është dhe më shokuese është fakti që më 18 qershor "Kasapi i Zakynthos" u arrestua për dhunë në familje pasi goditi gruan e tij me shkop. Por 60-vjeçari është lënë i lirë me kusht që të mos i afrohet gruas së tij më shumë se 100 metra.

Sipas informacioneve paraprake, 56-vjeçares shqiptare i ka ardhur keq për bashkëshortin e saj dhe e ka pranuar sërish në shtëpi, gjë që rezultoi fatale për të. Dje herët pasdite ka nisur sërish tortura për 56-vjeçaren fatkeqe, nënë e tre fëmijëve, dy prej të cilëve të mitur.

Burri, rreth orës 20:00, filloi ta rrihte pa mëshirë, duke lëshuar mbi të tërbimin e tij të sëmurë, por megjithatë edhe pse në gjendje të rëndë ajo arriti të mblidhte veten dhe të shkonte në polici për herë të dytë dhe të ngrinte padi kundër torturuesit të saj.

Autoritetet ishin në kërkim të tij dhe në orën 22:30 kur viktima kthehet në katin përdhes të dupleksit në zonën e Tsilivit, e gjen përballë. Sipas një dëshmitari okular një fqinj, shqiptari e kapi për flokësh dhe e tërhoqi zvarrë në ballkon duke bërtitur “Do të të vras”.

Ai e rrahu ashpër dhe kur gruaja luftonte për të shpëtuar jetën, 60-vjeçari mori thikën e kuzhinës, filloi ta godasë me tërbim në qafë dhe gjoks derisa i mori jetën. Pas aktit të tij ai u zhduk dhe pak para orës 10 të mëngjesit të sotëm është arrestuar.

burri vret gruan ne greqi vladimir beqiraj

Sondazh

Poll

MË SHUMË